Javascript DHTML Drop Down Menu Powered by dhtml-menu-builder.com

ARXİV

7 İyun 2013 - №21

 

Onbirincilər doğma məktəblərini heç vaxt unutmayacaqlarını bildirmişlər

 

Mayın 31-də    Bakıdakı 170 nömrəli tam orta məktəbdə onbirincilərin məktəbi bitirmələrinə həsr olunmuş "Son zəng" tədbiri   keçirilmişdir. Tədbiri giriş sözü ilə açan  məktəbin direktoru Nuranə Mirzəyeva  bildirmişdir ki, bu il  64  şagird  məktəbi bitirir.  Bu şagirdlərin təlim-tərbiyəsində  müəllimləriin rolu olduqca  böyük olmuşdur. Vurğulamışdır ki, məzunlarımız respublikamızda və ya xaricdə öz təhsillərini davam etdirsələr belə sevimli müəllimlərini və təhsil aldıqları doğma  məktəblərini  unutmamalıdırlar.

Sabunçu Rayon İcra Hakimiyyəti başçısının müavini Ş.Alıyev məktəbi bitirən məzunları təbrik etmiş və onlara   uğurlar arzulamışdır.   Ş.Alıyev   rayon icra hakimiyyəti başçısı adından məktəbin Azərbaycan dili və ədəbiyyat müəllimi Ofelya Mehdiyevaya  pedaqoji sahədə səmərəli fəaliyyəti və  gənc nəslin təlim -tərbiyəsində xüsusi xidmətinə gərə  fərqlənmə diplomu  təqdim etmişdir.

Bundan başqa, olimpiadalarda ayrı-ayrı fənlər üzrə  fərqlənən  bir qrup şagird  də  təltif  olunmuşdur.

"Son zəng"də müəllimlər, valideynlər və digər qonaqlar   çıxış edərək  XI sinfi bitirən şagirdlərə xoş arzularını  bildirmişlər.

Sonra söz   estafeti davam etdirən birincilərə verilmiş və onlar da "son zəng"i çalaraq məktəbi bitirən məzunların hər birinə  gül dəstələri vermişlər.

Həmin gün onbirincilər şeir deyib, mahnı oxuyub, rəqs etmiş və müəllimləri ilə  xatirə şəkli çəkdirmişlər.

Tədbir musiqi sədaları altında başa çatmışdır.  

Şakir CƏFƏROV

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov