İyunun 10-da Bakıda, "Crescent Beach" otelində "British
Council"in "CISELT Yay Məktəbi" layihəsi çərçivəsində
ingilis dili müəllimləri üçün 7 günlük təlimlər
başlamışdır.
Təlimlər müsahibə əsasında seçilmiş Bakı şəhəri və bir
sıra rayonların ümumi təhsil məktəblərində və
universitetlərdə çalışan 20 nəfər ingilis dili
müəlliminin iştirakı ilə keçirilir.
Təlimin məqsədi müəllimlərə ingilis dilinin tədrisində
yeni texnologiyaların, üsul və metodikaların tətbiqi
metodologiyasının öyrədilməsidir. Müəllimlərin
təlimlərdə əldə etdikləri bilik və bacarıqların
fəaliyyət göstərdikləri təhsil müəssisələrində digər
müəllimlərə ötürülməsi və davamlı əlaqələrin yaradılması
nəzərdə tutulmuşdur.
Təlim Britaniya təlimçisi Leo Selivan və "British
Council"in yerli təlimçisi Elmira İlizarova tərəfindən
birgə keçirilir. Təlimlər iyunun 16-da başa çatacaq.
Təlimin sonunda iştirakçılara "British Council"in
Azərbaycan üzrə direktoru Elizabet Vayt tərəfindən
sertifikat təqdim ediləcək.
"British Council" Azərbaycanda ingilis dili
müəllimlərinin bacarıq və biliklərini inkişaf etdirir və
ümumilikdə bütün dünyada insanlar üçün müxtəlif imkanlar
yaradır.
Hicran ƏKBƏROVA |