Bu yaxınlarda "Doğma Qarabağım" adlı gənclərin
yaradıcılıq festivalının keçirilməsi nəzərdə
tutulmuşdur. Azərbaycan Respublikasının Prezidenti
yanında Gənclər Fondunun Qarabağ həqiqətlərinin dünyaya
çatdırılması istiqamətində növbəti layihəsi olan bu
festival qaçqın məktəblərində oxuyan yeniyetmə və
gənclərin Qarabağla bağlı çəkdikləri rəsmlərin,
hazırladıqları əl işlərinin ölkə ictimaiyyətinin, eyni
zamanda respublikamızda fəaliyyət göstərən
səfirliklərin, beynəlxalq təşkilatların diqqətinə
çatdırılması işini həyata keçirəcəkdir. Layihənin əsas
məqsədi doğma torpaqlarından didərgin düşmüş yaradıcı,
istedadlı gənclərin üzə çıxarılması, onlara öz
yaradıcılıq imkanlarını genişləndirmək üçün dəstək
göstərilməsi və bu gənclərin yaradıcılıq nümunələri
vasitəsilə Qarabağ həqiqətlərinin tanıdılmasıdır.
Festivala hazırlıq məqsədilə Bakı şəhərində, şəhərətrafı
kəndlərdə, eləcə də ölkəmizin regionlarında yaşayan belə
gənclərin müəyyən olunması, onların yaradıcılıq
nümunələrinin toplanması, şeir və hekayələrinin çap
edilməsi və digər işlərin həyata keçirilməsi nəzərdə
tutulmuşdur.
S.KƏRİMOVA |