Javascript DHTML Drop Down Menu Powered by dhtml-menu-builder.com

ARXİV

12 İyul 2013 - №26

 

Azərbaycan komandası XI Beynəlxalq türk dili olimpiadasında 22 medal qazanmışdır

 

İyulun 4-də "Çağ" Öyrətim İşlətmələri Şirkətinin Bakı Özəl Türk Liseyində XI Beynəlxalq türk dili olimpiadasında uğur qazanan Azərbaycan komandasının üzvləri mükafatlandırılmışlar.

AzərTAc xəbər verir ki, mükafatlandırma mərasimində "Çağ" Öyrətim İşlətmələri Şirkəti idarə heyətinin sədri Ənvər Özərən qurumun təhsil müəssisələrində qazanılan uğurlardan danışmışdır.

Cəmiyyətin inkişafında dilin, təhsilin, mədəniyyətin mühüm rolunu vurğulayan Ə. Özərən Beynəlxalq türk dili olimpiadasının əhəmiyyətindən danışmışdır.

Qeyd olunmuşdur ki, olimpiada iştirakçıları bu ilin may-iyununda Türkiyənin ayrı-ayrı şəhərlərində müvafiq proqramlarla çıxış etmişlər. Olimpiadanın final mərhələsi İstanbul şəhərində keçirilmişdir. Beynəlxalq yarışda 140 ölkədən 2 minə yaxın şagird iştirak etmişdir.

Qiraət, mahnı, şeir, mədəni irs, rəsm və digər kateqoriyalar üzrə keçirilən olimpiadada Azərbaycan komandası 10 qızıl, 7 gümüş və 5 bürünc medala layiq görülmüşdür. Ümumilikdə Azərbaycan komandası olimpiadada 22 medal qazanaraq 140 ölkə arasında ikinci yeri tutmuşdur.

Sonra olimpiadanın qaliblərinə mükafatlar təqdim olunmuşdur.

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov