Javascript DHTML Drop Down Menu Powered by dhtml-menu-builder.com

ARXİV

19 İyul 2013 - №27

 

Azərbaycan Dillər Universitetində yay semestri təşkil olunmuşdur

 

Azərbaycan Dillər Universitetində tələbələr üçün yay semestri təşkil olunmuşdur. Belə ki, rektor, professor Səməd Seyidov Azərbaycan Dillər Universitetində 2012-2013-cü tədris ilinin yay semestrinin təşkili və idarə olunması haqqında müvafiq əmr imzalamışdır.

İyulun 8-dən etibarən fəaliyyətə başlayan yay semestrində tələbələr təhsil aldıqları müddətdə kəsildikləri fənlərdən imtahan verərək tədris illərini zamanında bitirmək imkanı əldə edirlər. Yay semestrinin rəhbəri Sevinc Seyidovanın verdiyi məlumata əsasən, dərslər ümumilikdə 32 fənn üzrə aparılır. Fənləri tədris etmək üçün universitetin 28 nəfər peşəkar müəllimi yay semestrinə cəlb olunub. Yay semestri qısa vaxt çərçivəsində tələbələrə maksimal dərəcədə bilik vermək və imtahanlardan uğurla keçmək üçün onları yüksək səviyyəli dərs proqramı ilə təmin etmək məqsədi daşıyır. Ümumilikdə 328 nəfər tələbənin iştirak etdiyi yay semestrinin artıq bir həftəsi geridə qalıb. Prosesin gərgin olmasına baxmayaraq, tələbə və müəllimlərin dərsə davamiyyəti qənaətbəxşdir.

Yay semestrində universitetin regionşünaslıq və beynəlxalq münasibətlər fakültəsi üzrə 154, pedaqoji fakültə üzrə 85, filologiya və jurnalistika fakültəsi üzrə 79 və tərcümə fakültəsi üzrə isə 10 nəfər tələbə təhsil alacaq.

Qeyd edək ki, yay semestrinin fəaliyətə başlamasından öncə rəhbərlik kəsiri olan tələbələrlə yay məktəbindən nə gözlədikləri, kəsirin yaranma səbəbləri haqqında sorğu keçirib. Sonra sorğunun nəticələrinə əsasən müəllimlərlə müzakirələr aparılmış və proses nəticələrə uyğun olaraq formalaşdırılmışdır.  

Şakir CƏFƏROV

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov