|
Rabitə və İnformasiya Texnologiyaları Nazirliyi
tərəfindən "İnformasiya-kommunikasiya texnologiyaları
ili" çərçivəsində görmə qabiliyyəti məhdud olan 72
şagirdə mini kompüterlər hədiyyə edilmişdir.
Görmə qabiliyyəti məhdud insanların həyatını
asanlaşdırmaq, onların cəmiyyətə inteqrasiyasına yardım
etmək məqsədilə Heydər Əliyev Fondunun dəstəyi ilə
Azərbaycanın "Neyro Tex" şirkəti tərəfindən dünyada ilk
dəfə olaraq səslə idarə edilən mini kompüterlər
hazırlanmışdır. "Dilmanc D01" proqramına köklənmiş mini
kompüterin monitoru və klaviaturası yoxdur. O, kompüterə
daxil olan informasiyanı nitqə çevirir. Həmçinin nitqin
tanınması proqramı ilə təchiz olunmuş bu "ağıllı maşın"
sahibinin şifahi tapşırıqlarını başa düşərək yerinə
yetirir. Mini kompüter eyni zamanda onlayn rejimdə son
yeniliklər barədə məlumat vermək, elektron mətnləri
səsləndirmək, habelə telefon zənglərini cavablandırmaq
kimi imkanlara malikdir.
Samirə KƏRİMOVA |
