2013-cü
il iyulun 15-dən 24-dək Rusiya Federasiyasının paytaxtı
Moskva şəhərində 45-ci Beynəlxalq Kimya Olimpiadası
keçirilmişdir.
Moskva Dövlət Universitetində təşkil olunan bu
beynəlxalq bilik yarışmasında dünyanın 75 ölkəsindən
komandalar iştirak etmişlər.
Gürcüstan, Lixtenşteyn, Oman və Çernoqoriya isə
olimpiadaya öz müşahidəçilərini göndərmişdir.
İki turdan ibarət olan olimpiadanın eksperimental turu
iyulun 18-də, praktik turu isə iyulun 20-də baş
tutmuşdur.
İyulun 23-də isə olimpiadanın təntənəli bağlanış
mərasimi keçirilmişdir.
Olimpiadanın reqlamentinə əsasən qızıl medalçıların sayı
yarışın ümumi iştirakçılarının sayının 8-dən 12
faizinədək, gümüş medalçıların sayı 18-dən 22
faizinədək, bürünc medalçıların sayı isə 28-dən 32
faizinədək olmalıdır.
Beləliklə, 2013-cü ildə 34 iştirakçı qızıl, 64 iştirakçı
gümüş, 94 iştirakçı isə bürünc medalların sahibləri
olmuşlar.
Olimpiadada ölkəmizi 4 nəfər məktəblidən ibarət
komandamız təmsil etmişdir. Komandamızın üzvlərindən 1
nəfəri gümüş və 1 nəfəri isə bürünc medala layiq
görülmüşdür.
Y.ƏLİYEV |