|
Avqustun 5-dən başlayaraq Bakı Şəhəri üzrə Təhsil
İdarəsinin tabeliyindəki ümumtəhsil məktəblərinin
müəllimləri üçün təlim kursları keçirilir. Kurslar
Təhsil Sektorunun İnkişafı üzrə İkinci Layihənin
(TSİİL) "Pedaqoji kadrların əlavə təhsil sisteminin
müasirləşdirilməsi" adlı ikinci komponentinin icra
planına uyğun olaraq müəllimlərin yeni fənn
kurikulumlarının tətbiqi sahəsində nəzəri və praktik
hazırlığını təmin etmək məqsədilə təşkil edilir.
2013-2014-cü tədris ilində BŞTİ-nin tabeliyindəki
ümumtəhsil məktəblərinin ibtidai, V-VI siniflərində dərs
deyəcək və indiyədək təlimlərdən keçməyən müəllimlərin
qatıldığı təlim kursları 60 saat (10 gün) müddətində
aparılır.
Bakı şəhərində təlim kursları TSİİL çərçivəsində
keçirilmiş tenderlər nəticəsində bu təlimləri keçirmək
hüququ qazanmış təşkilatlar tərəfindən aparılır.
Məşğələlərin keçirilməsi üçün nəzərdə tutulmuş
məktəblərdə lazımi şərait yaradılıb, hər bir təlim otağı
zəruri texniki vasitələrlə təchiz edilib. Müxtəlif
fənlər üzrə təşkil olunmuş təlim kursları sentyabrın
14-dək davam edəcəkdir.
Kursları müvəffəqiyyətlə başa vuran müəllimlərə Təhsil
Nazirliyi tərəfindən müəyyən edilmiş formada
sertifikatlar veriləcəkdir.
Hicran ƏKBƏROVA |
