"Vətəndaş cəmiyyətinin inkişafına dəstək" Gənclər
İctimai Birliyi Azərbaycan Respublikasının Prezidenti
yanında Gənclər Fondunun dəstəyi ilə icra etdiyi
"Gənclər arasında yol təhlükəsizliyinin təbliği" adlı
layihəsini başa çatdırmışdır.
Əsas məqsədi region gənclərinin yol təhlükəsizliyi
tədbirlərində rolunu artırmaq, bu istiqamətdə
təşəbbüslərini dəstəkləmək, yol təhlükəsizliyinə ciddi
əməl olunmasını təşviq etmək və vətəndaş məsuliyyətini
artırmaq olan layihə Sumqayıt, Şabran, Siyəzən, Xaçmaz
və Quba rayonlarında, xüsusilə də magistral yol xətləri
üzərində yerləşən kəndlərdə həyata keçirilmişdir.
Layihə çərçivəsində məktəblilər və gənclərlə görüşlər
keçirilmiş, aksiyalar və maarifləndirici tədbirlər
təşkil olunmuşdur. |