|
"Microsoft" korporasiyasının məktəb müəllimlərinə
ünvanlanmış yeni layihəsi - Microsoft İnnovativ
Müəllim-Ekspert Proqramı (Microsoft İnnovative Educator
Expert) ilə bağlı korporasiya tərəfindən hər il müsabiqə
elan edilir.
Həmin beynəlxalq layihədə iştirak etmək üçün müsabiqə
nəticəsində hər ölkədən müəllim-ekspertlər seçiləcəkdir.
Qaliblər "Microsoft İnnovativ Müəllim-Ekspert" adı ilə
təltif olunacaq və 2014-cü ilin mart ayında İspaniya
Krallığının Barselona şəhərində təşkil olunacaq
Microsoft-un Qlobal Təhsildə Əməkdaşlıq Forumunda
Azərbaycanı təmsil edəcəklər. Qeyd edək ki, müsabiqədə
ingilis dilini bilən ümumtəhsil orta məktəb
müəllimlərinin iştirakı nəzərdə tutulmuşdur. Buna
əsaslanaraq, müsabiqə iştirakçısı
http://www.pil-network.com/ saytına daxil olmaqla
ingilis dilində qeydiyyatdan keçməli və istifadəçi
profilini yaratmalıdır.
Həmçinin, proqramda iştirak etmək üçün "Müraciət
təlimatları"nı
http://pilnetwork.blob.core.windows.net/public/Expert
Educator Application Detailed Instructions 2013.pdf
saytından yükləməli və tanış olmalıdır.
Namizədlər layihədə iştirak etmək üçün 30 sentyabr
2013-cü il tarixinə qədər müraciət edə bilərlər.
Məlumat üçün qeyd edək ki, layihənin bütün xərcləri
"Microsoft" korporasiyası tərəfindən ödəniləcəkdir. |
