|
"Təhsil" Respublika İdman Mərkəzinin 1 nömrəli
Respublika İxtisaslaşdırılmış Olimpiya Ehtiyatları Uşaq-Gənclər
İdman Məktəbinin yetirmələri mötəbər yarışlardan böyük
nəticələr əldə etmişdir: məktəbin direktoru Oruc
Məmmədlidən aldığımız məlumata görə, sentyabrın 24-dən
27-nə kimi İndoneziyanın Palenbanq şəhərində
keçirilmiş İslam Dövlətlərinin III İslam Həmrəyliyi
Oyunlarında ağır atletika üzrə idmançımız 1983-cü il
təvəllüdlü Bayramov Əfqan Şahin oğlu 77 kq çəki
dərəcəsində gümüş medal (məşqçisi Soltan Kərimov) və
1982-ci il təvəllüdlü Cəmilov Namiq Yaqub oğlu 85 kq
çəki dərəcəsində bürünc medal (məşqçisi Vahid Nəzərov)
qazanmışlar. Həmin yarışlarda üzgüçülük üzrə idmançımız
Lazuq Yevgeniy Viktoroviç bir gümüş (50 m. batterflay),
1 bürünc (100 m batterflay) qazanmışdır.
Sentyabrın 5-dən 15-nə kimi Ukraynada keçirilən boks
üzrə dünya birinciliyində isə 1997-ci il təvəllüdlü
Tarverdili Hüseyn İlqar oğlu 70 kq çəki dərəcəsində III
yerə çıxaraq bürünc medal qazanmışdır.
Rəşad ZİYADOV |
