Qazaxıstanın Aktau şəhərində Xəzəryanı Ölkələrin Dövlət
Universitetləri Assosiasiyasının növbəti XVI
assambleyası keçirilmişdir.
Azərbaycan Texniki Universitetinin (AzTU) mətbuat
xidmətindən AzərTAc-a bildirmişlər ki, tədbirdə
Azərbaycan, Qazaxıstan, Rusiya və İran dövlət
universitetlərinin nümayəndələri iştirak etmişlər.
Assambleyada qurumun son birillik fəaliyyəti müzakirə
olunmuşdur.
Bildirilmişdir ki, 2012-2013-cü illərdə Azərbaycan
Texniki Universitetinin rəhbərlik etdiyi assambleya
həmin müddətdə elmi və sosial əhəmiyyət daşıyan, Xəzər
regionunun iqtisadi, sosial, ekoloji problemlərinin
həllinə, region ölkələrində bioloji müxtəlifliyin
qorunmasına həsr olunmuş tədqiqatlar aparmışdır.
Xəzəryanı ölkələrin dövlət universitetlərinin qarşılıqlı
əməkdaşlığı yüksək qiymətləndirilmiş, növbəti bir il
ərzində quruma rəhbərlik səlahiyyəti Qazaxıstanın Xəzər
Dövlət Texnologiya və Mühəndislik Universitetinə həvalə
edilmişdir. |