Naxçıvan şəhər Hüseyn Cavid adına 5 nömrəli tam orta
məktəbdə Naxçıvan Dövlət Universitetinin beynəlxalq
münasibətlər və xarici dillər fakültəsinin ingilis dili
ixtisası üzrə təhsil alan təcrübəçi tələbələrinin
iştirakı ilə "Azərbaycan, yurdum mənim" adlı tədbir
keçirildi.
Tədbirdə Azərbaycanın Dövlət himni səsləndirildi.
Universitetin tədris işləri üzrə prorektoru, filologiya
üzrə fəlsəfə doktoru, dosent Seyid Surə, beynəlxalq
münasibətlər və xarici dilər fakültəsinin filologiya
üzrə fəlsəfə doktoru, dosent Qurban Qurbanlı çıxış
edərək Azərbaycanın müasir dinamik inkişafı, beynəlxalq
nüfuza və yüksək reytinqə malik olması barədə məlumat
verdilər. Qeyd olundu ki, belə tədbirlər şagirdlərin
vətənpərvərlik ruhunda, dövlətçilik və Vətənə sədaqət
ideyaları altında tərbiyə olunması baxımından mühüm
əhəmiyyət kəsb edir.
İngilis dili kafedrasının müəllimi Elza Aşurovanın
təşkilatçılığı ilə keçirilən tədbirdə Azərbaycanın
çoxəsrlik tarixini, milli mənəvi dəyərlərini, bugünkü
sosial-iqtisadi tərəqqisini əks etdirən slaydlar nümayiş
olundu. Təcrübəçi tələbələrdən Bəyaz Nağıyeva, Cavad
İmanquliyev, İlhamə İsmayılova, Sevinc Babayeva
Azərbaycan haqqında ingilis dilində ətraflı məlumat
verdilər. Şagirdlərin ifasında müxtəlif dillərdə
Azərbaycana həsr olunmuş şeirlər səsləndi.
Mehriban SULTAN,
NDU-nun Mətbuat şöbəsinin müdiri |