|
İmişli Rayon Təhsil Şöbəsində bu il fəaliyyətə başlayan
gənc müəllimlərlə görüş keçirildi. Görüşdə İmişli RTŞ-ın
müdiri Ramiz Əmirov çıxış edərək son illərdə təhsilə
göstərilən dövlət qayğısından, təhsilimizin
inkişafından, istedadlı gənc müəllimlərin potensial
imkanlarının üzə çıxarılması, onların daha səmərəli
işləməsinə şəraitin yaradılmasından söhbət açdı.
İmişli RTŞ-ın müdir müavini Vahid Tağıyev çıxışında
müəllim peşəsinin məsuliyyəti, nüfuzu, peşəkar
müəllim olmağın incəliklərindən danışaraq bildirdi ki,
gənc müəllimlər hansı məsuliyyət və həvəslə işə
başlayırlarsa, əsasən o templə də uzun illər fəaliyyət
göstərirlər. Hər bir dərs müəllimin pedaqoji - metodik
simasını ifadə edir. Müasir, canlı, yaradıcı - innovativ
dərsi heç bir standart forma ilə məhdudlaşdırmaq olmaz.
Odur ki, müəllim hər bir dərsi yüksək səviyyədə qurmağı
bacarmalıdır. Müəllim əməkdaşlığı, gündəlik dərs
planının tərtibi, yeni təlim metodlarının tətbiqi,
şagirdlərlə ünsiyyət formaları, valideynlərlə əlaqələrin
əsas cəhətləri qeyd edildi.
Canlı diskussiya, dialoq şəraitində keçirilən tədbirdə
gənc müəllimlər arzu və təkliflərini bildirməklə
müəllimlik fəaliyyətlərinin ilk təəssüratlarını
bölüşdülər.
Tədbirdə qərara alındı ki, rayonda ayda bir dəfə gənc
müəllimlərin işgüzar şəraitdə yığıncağı keçirilsin.
Görüşdə gənc müəllimləri maraqlandıran suallara
ətraflı cavab verildi, xatirə şəkli çəkdirildi.
S.SƏFƏROVA |
