|
Azərbaycan Dövlət İqtisad Universitetində (ADİU) Alman
Akademik Mübadilə Xidmətinin (DAAD) təqdimatı olmuşdur.
ADİU-dan AzərTAc-a bildirmişlər ki, tələbə və
magistrlərlə keçirilən görüşdə DAAD-ın Bakı Məlumat
Mərkəzinin direktoru xanım Nikola Uliş geniş təqdimatla
çıxış etmişdir.
N.Uliş rəhbərlik etdiyi qurumun ölkələrimiz arasında
təhsil sahəsində əməkdaşlıq çərçivəsində yaradıldığını
qeyd etmiş və onun fəaliyyət istiqamətlərindən
danışmışdır. Mərkəzin əsas missiyası Almaniyada təhsil
və tədqiqat imkanları barədə xəbərlərin yayılması,
Almaniya ali məktəblərində mövcud ixtisas və fakültələr
haqqında məlumatların Azərbaycanın ali məktəblərinə
çatdırılmasıdır.
N.Uliş, həmçinin proqram üzrə sənəd qəbulu prosedurası
və konkret tarixlər barədə də məlumat vermişdir.
Təqdimatın sonunda suallar cavablandırılmışdır. |
