İki
il öncə - 2011-ci ilin iyununda rusdilli alimlərin
Kazanda keçirilmiş II Konqresində müstəqil işçi
qrupundan ibarət olan Beynəlxalq metodik şuranın
yaradılması barədə qərar qəbul edilib, sentyabrın 1-dən
3-dək Almaniyanın Karlsruye şəhərində 10-dan çox ölkənin
nümayəndələrinin iştirakı ilə keçirilmiş İkidilliliklə
(bilinqvizm) bağlı 5-ci Beynəlxalq seminarda ikidillilik
və mədəniyyətlərarası kommunikasiya üçün Beynəlxalq
məşvərət şurasının yaradılması qərara alınıb və bu bütün
iştirakçılar tərəfindən dəstəklənib. O zaman Rusiyadan
kənarda çalışan alimlər, metodistlər, professional
müəllimlər, loqopedlər, psixoloq və sosioloqlar idarə
heyətinin ilk üzvləri elan olunublar. 2013-cü il 9-10
sentyabr tarixlərində Rusiyanın Elm və Təhsil Nazirliyi
və Müasir Təlim Texnologiyaları Mərkəzinin birgə
təşəbbüsü ilə Moskvada keçirilmiş "Xarici ölkələrdə
rusdilli məktəblər" mövzusunda beynəlxalq elmi-praktik
konfransa Azərbaycandan əməkdar müəllim Almaz Həsrət
ekspert kimi dəvət olunub. Həmin konfransın gedişi
zamanı Azərbaycandan ilk dəfə olaraq Almaz Həsrət
Beynəlxalq metodik şuraya üzv seçilib. Almaz Həsrət bu
metodik şuranın siyahısına mədəniyyətlərarası
kommunikasiya sahəsinin üzvü kimi salınıb. |