|
Türkiyənin Eskişehir şəhərində keçirilən beynəlxalq
simpoziumda iştirak edən AMEA Tarix İnstitutunun
alimləri bu şəhərdəki universitetlərdə təhsil alan
gənclərimizlə görüşmüşlər. AzərTAc xəbər verir ki,
Eskişehir Azərbaycanlılar Dərnəyində keçirilmiş görüşdə
Milli Məclisin deputatı, professor Yaqub Mahmudov
Türkiyə-Azərbaycan əlaqələrinin keçmişi və bu günü
haqqında fikirlərini tələbələrlə bölüşmüşdür.
Milli Məclisin deputatı, professor Musa Qasımlı isə
gənclərimizə son illər Azərbaycanda gedən sürətli
iqtisadi, sosial və mədəni inkişafdan bəhs etmişdir. Bu
inkişafın əsas səbəbinin ulu öndərimiz Heydər Əliyevin
müəyyən etdiyi siyasi kurs olduğunu diqqətə çatdıran
alim vurğulamışdır ki, oktyabrın 9-da keçirilmiş
prezident seçkilərində İlham Əliyevin parlaq qələbəsi
xalqımızın bu siyasətə dəstəyinin təzahürüdür. O,
xaricdə yaşayan gənclərimizin də sosial şəbəkələrdə
ölkəmizə qarşı böhtanlara qarşı daha fəal olmalarının
zəruriliyini də diqqətə çatdırmışdır.
Professor Ədalət Tahirzadə və dosent Kəmalə Ələkbərova
qardaş Türkiyədə təhsil alan gənclərimizin əsas
vəzifəsinin yüksək biliklərə yiyələnmək və Vətənə yaxşı
bir mütəxəssis kimi dönmək olduğunu söyləmişlər. |
