Javascript DHTML Drop Down Menu Powered by dhtml-menu-builder.com

ARXİV

15 Noyabr 2013 - №44

 

Təhsil naziri Mikayıl Cabbarov YUNESKO-nun Baş Konfransının 37-ci sessiyasında iştirak edib

 

Azərbaycan Respublikasının təhsil naziri Mikayıl Cabbarov YUNESKO-nun Baş Konfransının 37-ci sessiyasında iştirak etmək məqsədilə Fransanın paytaxtı Paris şəhərinə işçi səfər etmişdir.

Səfər çərçivəsində təhsil naziri Mikayıl Cabbarov 8 noyabr tarixində Azərbaycan Respublikası adından çıxış etmişdir. Təhsil naziri çıxışında Azərbaycanla YUNESKO arasında inkişaf etməkdə olan əlaqələr, mövcud əməkdaşlığın gələcək inkişaf perspektivləri və bu ilin 18 iyul tarixində Azərbaycanla YUNESKO arasında imzalanmış "Təhsil, elm, mədəniyyət və kommunikasiya sahələrində əməkdaşlıq üzrə Çərçivə Sazişi"nin ikitərəfli münasibətlərimizin genişlənməsinə böyük töhfə verdiyini qeyd etmişdir. Nazir Azərbaycan-YUNESKO əməkdaşlığının hazırkı inkişaf mərhələsinə çatmasında Azərbaycan Respublikasının birinci xanımı Mehriban Əliyeva və onun rəhbərlik etdiyi Heydər Əliyev Fondunun xüsusi rolunu vurğulamışdır.

Təhsil naziri Mikayıl Cabbarov Ermənistan tərəfindən Azərbaycan ərazilərinin işğalının təhsil, elm və mədəniyyət sahəsində mənfi nəticələrə səbəb olduğunu və bu işğalın YUNESKO-nun tərəfdar çıxdığı prinsip və dəyərlərə zidd olduğunu tədbir iştirakçılarının diqqətinə çatdırmışdır.

Səfər çərçivəsində Mikayıl Cabbarov Türkiyənin milli təhsil naziri Nəbi Avcı və digər rəsmi şəxslərlə ikitərəfli işgüzar görüşlər keçirmişdir.

Qeyd edək ki, YUNESKO Baş Konfransının 37-ci sessiyasında sözügedən təşkilatın Təhsil Komitəsində məruzəçi vəzifəsi Azərbaycan Respublikasına həvalə olunmuşdur.

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov