Noyabrın
18-də Təhsil Problemləri İnstitutunun Kurikulum
Mərkəzində Polşanın Komenius Fondunun təlimçi
əməkdaşları Oqradzinski Tereza və Dominik Kmita "Polşa
təcrübəsi əsasında məktəbəqədər təhsil xidmətlərinin
göstərilməsi" mövzusunda təqdimatla çıxış ediblər.
Təqdimatda Müasir təhsil və tədrisə yardım mərkəzinin
icraçı direktoru Ülviyyə Mikayılova, Kurikulum
Mərkəzinin şöbə və bölmə mudirləri Laləzar Cəfərova,
Bibixanım İbadova, Natiq Axundov və qabaqcıl
məktəbəqədər təhsil müəssisələrinin işçiləri iştirak
ediblər.
Təqdimatda çıxış edən Oqradzinski Tereza Polşada olan
məktəbəqədər təhsil haqqında danışıb. Bildirilib ki, bu
ölkədə məktəbəqədər müəssisələr maliyyə baxımından
bələdiyyələr tərəfindən idarə edilir. Uşaqlar 2,5-6 yaşa
kimi məktəbəqədər təhsil müəssisələrinə cəlb olunur.
Polşa Respublikasında 2006-cı ildən etibarən uşaqlar 5
yaşından icbari olaraq məktəbə hazırlanır. Bundan əlavə,
mütəxəssis Polşa ilə Britaniya ölkələrində mövcud olan
məktəbəqədər təhsilin müqayisəli təhlilini verib.
Daha sonra təqdimat ətrafında müzakirələr işgüzar
şəraitdə davam etdirilib. |