|
Noyabrın 30-da Kiyevdə "Uşaq Eurovision-2013" mahnı
müsabiqəsinə start veriləcək. Yarışma özündə yeni
yaradıcılıq qabiliyyəti axtarmağa və istedadları inkişaf
etdirməyə çağıran "Yaradıcı ol" (Be Creativ) devizi
altında keçiriləcək. Ukraynanın Milli Teleradio
Şirkəti iştirakçı ölkələrin siyahısını açıqlayıb.
Müsabiqədə 12 ölkə - Azərbaycan, Belarus, Makedoniya,
Gürcüstan, Malta, Moldova, Niderland, Rusiya,
San-Marino, İsveç, Ukrayna və Ermənistan təmsil
olunacaq. Qeyd edək ki, Azərbaycan tərəfindən "Uşaq
Eurovision-2013" mahnı müsabiqəsində Rəşid Behbudov
adına 2 nömrəli Onbirillik Musiqi Məktəbinin şagirdi
Rüstəm Kərimov iştirak edəcək. O, bu mötəbər müsabiqədə
"Mən və mənim gitaram" mahnısını ifa edəcək.
S.SƏFƏROVA,
"Azərbaycan müəllimi" |
