İzmir Ali Texnologiya İnstitutunun rektoru, professor
Mustafa Güden, prorektoru, professor Sedat Akkurt və
professor Rasim Əlizadə Xəzər Universitetində olmuşlar.
Xəzər Universitetindən AzərTAc-a bildirmişlər ki,
universitetin rəhbərliyi ilə keçirilən görüşdə bu ali
təhsil ocağının təsisçisi, Direktorlar və Qəyyumlar
Şurasının sədri, professor Hamlet İsaxanlı iştirakçılara
İzmir Ali Texnologiya İnstitutu haqqında məlumat
vermişdir. Təhsil fakültəsinin dekanı, dosent Elza
Səmədova slaydların köməyi ilə Xəzər Universitetini
təqdim etmişdir. M.Güden rəhbərlik etdiyi ali təhsil
ocağının fəaliyyətindən, son 20 ildə əldə etdiyi
uğurlardan danışmış, iştirakçıların suallarını
cavablandırmışdır.
Sonra qonaqlar universitetin laboratoriyaları,
mədəniyyət mərkəzi, kitabxana informasiya mərkəzi ilə
tanış olmuşlar. |