İstanbuldakı Yıldız Texniki Universitetində TÜRKSOY-un
təşkilatçılığı ilə 14 ölkədən 40 universitetin iştirakı
ilə Beynəlxalq Avrasiya inşaat və memarlıq
universitetləri festivalı keçirilmişdir. AzərTAc xəbər
verir ki, azərbaycanlı memarların da iştirak etdiyi
toplantıda Türk Dünyası Memarlar və Mühəndislər
Birliyinin nümayəndələri və TÜRKSOY-un baş katibi Düsen
Kaseinov ortaq layihələrin həyata keçirilməsi
perspektivlərindən bəhs etmişlər. Sonra universitetlər
öz layihələrini təqdim etmişlər. Layihələr TÜRKSOY-un
nəzdində fəaliyyət göstərən münsiflər heyəti tərəfindən
dəyərləndiriləcəkdir.
Tədbirin sonunda türk dünyası folklor nümunələrindən
ibarət konsert olmuşdur. |