|
Naxçıvan Dövlət Universitetində Azərbaycan hökuməti və
Beynəlxalq İnkişaf Assosiasiyasının birgə həyata
keçirdiyi "Dövlət İnvestisiyaları üzrə Kadr
Potensialının Gücləndirilməsi" layihəsi çərçivəsində
növbəti təlim kursu keçirilib. UNİCHECK MMC-nin
təchizatçılığı ilə "Su ehtiyatlarının inteqrasiyalı
idarə olunması" üzrə təlim kursunun açılış mərasimində
rektor, professor Saleh Məhərrəmov çıxış edərək NDU-da
müxtəlif mövzulara həsr olunmuş bir neçə təlim kursunun
uğurla reallaşdırılmasından bəhs edib. Qeyd olunub ki,
regionun bütün dövlət strukturlarının və nazirliklərin
əməkdaşlarını, habelə universitetin müxtəlif ixtisaslar
üzrə müəllim və tələbələrini əhatə edən bu təlim
kursları kadr hazırlığı baxımından mühüm əhəmiyyət kəsb
edir. Rektor təlim kurslarının təşkilini muxtar
respublika rəhbərliyinin dövlət idarəçiliyi sahəsində
milli kadr potensialının artırılmasına, mütəxəssis
hazırlığına növbəti qayğısı kimi qiymətləndirib.
Ekspert təlimçi, UNİCHECK MMC-nin icraçı direktoru
Aytən Poladova, su ehtiyatları mühəndisi, hidroloq
Dr.Laszo İritz çıxışlarında bu sahədə olan dünya
təcrübəsi, təlim kursunda bəhs olunacaq mövzular barədə
məlumat veriblər.
İngilis dilində keçiriləcək təlim kursu 6 gün davam
edəcək və sonda iştirakçılara sertifikatlar təqdim
olunacaq.
Mina QASIMOVA,
NDU-nun Mətbuat şöbəsinin əməkdaşı |
