Tədris zamanı müəllimin əl hərəkətlərinə diqqət
edənlər dərsi daha yaxşı qavraya bilərlər |
Hüseyn XƏLİLOV,
Qafqaz Universitetinin psixoloqu |
|
Mühiti
incə bir şəkildə qavramaq
Müəllim əli ilə ya izah etdiyi mövzuya həssaslıq
qazandırmağa, ya da mövzu ilə əlaqəli gücünü
göstərməyə çalışır.
Bəzən beynindəki sualın cavabını tapa
bilmədikdə, amma ona çox yaxın olduğunda bu
axtarışı, sanki, havanı tutmuş kimi göstərir. |
|
Mühiti
güclü bir şəkildə qavramaq
Müəllim güclü qavrama jestini, bir mövzudakı
qərarlılığını göstərmək üçün bu əl formasından
istifadə edir.
Sıxılmış yumruqla dərsin izah edilməsi şagirdin
diqqətini cəlb edir və onu həyəcanlandırır. |
|
Əllərin
qayçı kimi bir şəxsdən kənar tərəfə açılması
Bu çox şiddətli bir rəddetmə ifadəsidir. Müəllim
bu xarakteri ilə ya sinifdəkilərlə arasına
düşməncəsinə bir sədd çəkdiyini, ya da təklif
edilən şeyləri qətiliklə qəbul etmədiyini ifadə
edir.
|
|
Əlin
yumruq olaraq istifadə edilməsi
Yumruq insanı qoruyan təbii bir silahdır.
Yumruq sadəcə üzə və qarına vurulmaz. Yumruq
təhdidedici formada istifadə edilə bilər. Yumruq
stola qoyula və yumşaq bir hərəkətlə havada
tutula bilər. Yumruğu stola vurmaq kobudluq,
duyğulara hakim ola bilməməyin işarəsidir.
Əllərlə edilən ən təcavüzkar hərəkət budur.
Sıxılmış bir yumruğu havada yellədən adam
müdafiə etdiyi fikrə qarşı çıxıldığı vaxt,
mübarizənin hansı şəkildə davam edəcəyinə şübhə
qalmır. |
|
Barmağın
havaya qalxması
Əlin sıxılaraq şəhadət barmağının havaya
qalxması və qarşıdakı şəxsi göstərməsi
şagirdlərdə müqavimət və narahatçılıq meydana
gətirir - təhdid və güc ifadə edən bir
hərəkətdir.
Şagirddə bu, narahatçılığa qarşı çıxmaq,
deyilənin əksini etmək istəyi meydana gətirir və
müəllimə qarşı qəzəbli olmasına səbəb olur.
Şəhadət barmağımızı uzadıb şagirdi
günahlandırarkən, digər üç barmağın bizi
göstərdiyini unutmamalıyıq.
Bu görünüş qarşımızdakı insanı
günahlandırdığımız mövzuda bizim də öz
məsuliyyət dərəcəmizi düşünməyimiz baxımından
əhəmiyyət kəsb edir. |
|
Ovucun
yuxarı baxması
Bu vəziyyət "Müəllim son dərəcə nəzakətli bir
şəkildə şagirddən onun fikri ilə razılaşmasını
istəyir" deməkdir.
Müəllimin bir fikri, təklifi, təəssüratı və ya
dəvəti açıq əl jesti ilə etməsi onun qarşı
fikirlərə və təkliflərə də hazır olduğunu
göstərir. |
|
Ovucun
aşağı baxması
Bu davranış, artmış olan gərginliyə nəzarət
etmək istəyən, soyuqqanlı bir yanaşma
formasıdır.
Belə bir jest tətbiq edən şəxsə, qarşı tərəfdə
müqavimət meydana gətirməyən bir üstünlük verir. |
|
İki
əlin ovuclarının qarşı tərəfə baxması
Bu hərəkət, müəllimin qarşı tərəfdən gələn
təklif və müzakirələrə qarşı çıxmasıdır.
Şagirdlə özü arasında aşılmaz bir divar
hörmüşdür. Bu davranışın məqsədi qarşı tərəfi
saxlayıb, öz sərhədlərinə daxil olmasının
qarşısını almaqdır. |
|
İki
əlin ovuclarının sinəyə doğru açılması
Bu jest, qarşıdakı şagirdin fikirlərini qəbul
edərək, onunla razılığa gəlmək arzusunu əks
etdirir. |
|
Əllərin
bir-birinə keçirilməsi
Ümumi olaraq xoşagəlməz bir şeyin, xəyal
qırıqlığının əlamətidir.
Əgər dərsi izah edərkən şagirdin maraq sahəsi
xaricinə çıxdınızsa və artıq ona müraciət
etmirsinizsə, o zaman şagirdin əlləri partanın
üstündə bağlanmış və əllərinin getdikcə yuxarı
qalxdığını görəcəksiniz. |
|
Əllərin
öndə və arxada birləşməsi
Əllərin arxada birləşdirilməsi insanın özünə
güvəndiyini və ətrafa meydan oxuduğunu
xatırladır.
Gizlədəcək və qorxacaq bir şeyin olmadığını
qarşı tərəfə göstərirsiniz. Əlləri bədənin
arxasında bükmək gücü təmsil edən polis,
müəllimlər və zabitlər arasında bir jestdir.
Ümumiyyətlə, bu, dəhlizdən keçən məktəb müdiri
yerişidir. Əksər hallarda bu vəziyyət sinənin
önə verilməsi, çiyinlərin qaldırılması və
burunun yuxarı qalxması ilə tamamlanır.
Əllərin öndə birləşməsi isə itaəti və özünə
inamsızlığı göstərir və adətən, boyunun
əyilməsi, bədənin bükülməsi və çiyinlərin aşağı
düşməsi ilə müşayiət olunur. Qarşıdakı insana
"başıma vur, çörəyimi al" mesajını vermiş olur. |
|
Məlumatlı
vəziyyət
Bu vəziyyət, daha çox, müəllimə "mən bilirəm"
görünüşünü verir.
İki əlin barmaqları birləşdirilir, burun azca
yuxarı qaldırılır, baxışlarda və üz xətlərində
mövzuya tam sahiblik olur.
Bu hərəkəti etdikdə sinfinizdəki şagirdiniz
sizin mövzuya tam hakim olduğunuzu və mövzu
haqqında çox şey bildiyinizi düşünəcəkdir. Ancaq
diqqətli olmaq lazımdır. 45 dəqiqəlik dərs
ərzində bu vəziyyəti davam etdirsəniz,
tənəffüsdə dəhlizlərdə sizi təqlid edən
şagirdlərlə qarşılaşacaqsınız. |