Javascript DHTML Drop Down Menu Powered by dhtml-menu-builder.com

ARXİV

24 Yanvar 2014 - №03

 

Tariximizin qəhrəmanlıq səhifəsi

 

Böyütmək üçün şəkili seçinYanvarın 17-də Sumqayıt Dövlət Universitetində 20 Yanvar faciəsinin 24-cü ildönümünə həsr olunmuş anım tədbiri keçirildi.

Anım mərasimi universitetin həyətində 20 Yanvar şəhidlərinin xatirəsinə ucaldılmış memorial abidənin ziyarəti ilə başladı. Tədbiri açan SDU-nun rektor əvəzi, dosent Elxan Hüseynov 20 Yanvar faciəsinin acı tarixindən və xalqımızın azadlıq uğrunda mübarizəsindən danışaraq qeyd etdi: "Hər bir xalqın milli azadlıq tarixinin qanla yazılan qəhrəmanlıq dolu səhifəsi olur. Bu mənada 20 yanvar Azərbaycan xalqının milli azadlıq və milli özünüdərk tarixində unudulmaz səhifələrdəndir. 1905-1918-ci illərdə daşnak bolşevik birləşmələrinin ölkəmizdə həyata keçirdiyi soyqırımlardan sonra xalqımız 1918-ci ilin mayında Şərqdə ilk demokratik cümhuriyyəti qurdu. 1990-cı ilin 20 yanvarından sonra da Azərbaycan xalqı azadlıq uğrunda mübarizə apararaq əbədi istiqlaliyyətə qovuşdu".

Rektor əvəzi qeyd etdi ki, 1990-cı il yanvarın 19-dan 20-nə keçən gecədə keçmiş sovet imperiyasının qoşun birləşmələri  Azərbaycan xalqına qarşı ən ağır cinayətlərdən biri kimi tarixə yazılmış qanlı faciə törətdi. Həmin gecədə həlak olan vətən oğulları Azərbaycan tarixinə parlaq səhifə yazdılar. Onlar öz qəhrəmanlıqları ilə xalqın milli azadlığına, müstəqilliyinə məşəl oldular.

Tədbirdə o da vurğulandı ki, ulu öndər Heydər Əliyevin hakimiyyətə ikinci dəfə qayıdışından sonra 20 Yanvar faciəsinə siyasi-hüquqi qiymət verildi və bu faciəni törədənlərin cəzalandırılması tələb olundu.

Azərbaycan tarixi kafedrasının müdiri, dosent Əmirxan İsayev "20 Yanvar faciəsinə aparan yol", sosiologiya və politologiya kafedrasının müəllimi Zahid Bunyadov "20 Yanvar faciəsi Azərbaycan xalqının qəhrəmanlıq və özünüdərk tarixidir" mövzusunda çıxış edərək hadisənin mahiyyəti barədə danışdılar.

Natiqlər qeyd etdilər ki, Qanlı Yanvar hadisəsi Azərbaycan xalqının müstəqilliyinə qovuşmaq əzmini bir daha nümayiş etdirdi. 1991-ci ildə Azərbaycan xalqı öz müstəqilliyini bərpa edərək istiqlala qovuşdu.

Ulu öndər Heydər Əliyev və onun siyasi kursunun layiqli davamçısı, ölkə başçısı cənab İlham Əliyevin  gərgin və yorulmaz fəaliyyəti, mükəmməl daxili və xarici siyasəti sayəsində müstəqilliyimiz əbədilik qazandı.

Tədbirin sonunda 20 Yanvar faciəsinə və milli qürur günümüzə həsr olunmuş "İnsanlıq faciəsi" adlı sənədli film nümayiş olundu.

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov