Javascript DHTML Drop Down Menu Powered by dhtml-menu-builder.com

ARXİV

24 Yanvar 2014 - №03

 

20 Yanvar faciəsi şagirdlərin gözü ilə

 

Böyütmək üçün şəkili seçinYanvarın 17-də Tofiq İsmayılov adına Uşaq-Gənclər Yaradıcılıq Sarayının "Uşaq dünyası" rəsm qalereyasında 20 Yanvar faciəsinin 24-cü ildönümü ilə əlaqədar Bakı Şəhəri üzrə Təhsil İdarəsinin tabeliyində olan məktəbdənkənar təhsil müəssisələrinin dərnək üzvlərinin və orta ümumtəhsil məktəblərinin şagirdlərinin əl işlərindən ibarət rəsm sərgisi keçirildi. Sərginin açılışında Təhsil Nazirliyinin və BŞTİ-nin rəsmiləri, məktəbdənkənar təhsil müəssisələrinin direktorları iştirak edirdilər. Tədbirin keçirilməsində əsas məqsəd qan yaddaşımıza yazılan bu faciəni bir daha xatırlamaq və eyni zamanda vətən uğrunda şəhid olanların xatirəsini  heç zaman unutmamaqdan ibarət idi.  

Tədbirdə çıxış edən Təhsil Nazirliyinin Tərbiyə və məktəbdənkənar müəssisələrlə iş şöbəsinin müdir müavini Vasif Məmmədov 1990-cı il yanvarın 20-də baş verən faciəli hadisələrdən söhbət açdı. 20 Yanvar hadisələrinin müasir tariximizə təkcə faciə kimi deyil, həm də qəhrəmanlıq nümunəsi kimi daxil olduğunu vurğuladı.  Hadisələrin dünya ictimaiyyətinə çatdırılmasının vacibliyini qeyd etdi.

Sonra iştirakçılar əl işlərindən ibarət sərgiyə baxış keçirdilər. Qeyd edək ki, sərgidə 100-dən çox rəsm nümayiş etdirilirdi. Rəsmlərdə 1990-cı il yanvarın 19- dan 20-nə keçən gecə Bakıda sovet imperiyasının xüsusi təlim keçmiş ordu hissələri tərəfindən xalqımıza qarşı törədilən vəhşiliklər və bu vəhşiliklərə sinə gərən mərd oğul və qızlarımızın məğrurluğu öz əksini tapmışdır.  

Niyazi RƏHİMOV
"Azərbaycan müəllimi"

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov