Tələbə Qəbulu üzrə Dövlət Komissiyasının (TQDK)
"Abituriyent" jurnalının 12-ci nömrəsində "2013/2014-cü
tədris ili üçün tələbə qəbulunun nəticələrinin
elmi-statistik təhlili" və ölkədəki ali təhsil
müəssisələrinin reytinqi barədə məlumat verilmişdir.
Bakı Ali Neft Məktəbinin (BANM) mətbuat xidmətindən
AzərTAc-a bildirmişlər ki, reytinq göstəricilərinə görə
məktəb 2012-ci ildə əldə etdiyi liderlik mövqeyini
qoruyub saxlamış və 2013-cü ildə də ölkədəki ali təhsil
müəssisələri arasında birinci olmuşdur.
Ötən il birinci ixtisas qrupu üzrə 600 baldan çox
toplamış 369 abituriyentdən 121-i bu ali təhsil ocağının
ixtisaslarını seçmişdir. 2013-cü ilin tələbə qəbulunun
nəticələrinə görə BANM-da minimal keçid balı 634,
neft-qaz mühəndisliyi ixtisası üzrə orta bal 661, kimya
mühəndisliyi ixtisası üzrə 646, proseslərin
avtomatlaşdırılması mühəndisliyi ixtisası üzrə isə 669
bal olmuşdur. |