Javascript DHTML Drop Down Menu Powered by dhtml-menu-builder.com

ARXİV

31 Yanvar 2014 - №04

 

"Fövqəladə hallarda özünü necə aparmalı?"

 

 Bakıdakı 21 nömrəli tam orta məktəbdə  Fövqəladə Hallar Nazirliyinin Bakı Regional Mərkəzinin təşkilatçılığı ilə "Fövqəladə hallarda özünü necə aparmalı?" adlı  maarifləndirici  tədbir keçirilib. Nəzəri və praktik hissədən ibarət olan tədbirdə Bakı Regional Mərkəzinin, Xüsusi Riskli Xilasetmə, Dövlət Yanğından Mühafizə, Dövlət Sularda Xilasetmə və   FHN Tibb Xidmətlərinin,  Bakı şəhər  Təcili Təxirəsalınmaz Tibbi Yardım Stansiyasının əməkdaşları və digər təşkilatların nümayəndələri iştirak ediblər.

Məktəbin direktoru Ceyhun  Bayramlı təhsil ocağında bu cür tədbirlərin keçirilməsinin vacibliyini  bildirib. Qeyd edib ki,   insanlar həyatda baş verə biləcək müxtəlif hadisələrə hazır olmalı və  müxtəlif həyati bacarıqlara  yiyələnməlidirlər. Maarifləndirmə tədbirləri fövqəladə hallar zamanı hərəkət qaydalarını aşılayır, baş verə biləcək hər hansı bir fövqəladə hadisənin qarşısının  alınmasına  və ya artıq baş vermiş hadisə zamanı onun nəticələrinin aradan qaldırılmasında insanlara kömək edir.  

Tədbirdə  insanların həyat şəraitinə  təsir  edən müxtəlif növ fövqəladə hadisələr haqqında  ətraflı məlumatlar verilib. Məktəbin həyətində zəlzələ, yanğın, radiasiya və  kimyəvi xarakterli fövqəladə hallar zamanı nə etməklə bağlı  əyani şəkildə təşkilatın əməkdaşlarının   iş təcrübələri nümayiş etdirilib.

Mövzu ilə bağlı  FHN  Bakı Regional Mərkəzinin operativ  məlumat şöbəsinin rəisi - idarənin rəis  müavini, polkovnik- leytenant Vaqif Teymurov, Operativ məlumat şöbəsinin baş zabiti, baş leytenant Pərviz Əliyev, İstismarda olan binaların təhlükəsizliyinin monitorinqi şöbəsinin rəisi, daxili xidmət mayoru Elgün Ələkbərov  və başqalarının  çıxışları   şagirdlər tərəfindən  maraqla qarşılanıb.

Tədbir fövqəladə hallarda özünü necə aparmasına aid şagirdlərin hazırladığı ədəbi-bədii kompozisiya ilə başa çatıb. 

Şakir CƏFƏROV,
"Azərbaycan  müəllimi"

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov