Javascript DHTML Drop Down Menu Powered by dhtml-menu-builder.com

ARXİV

28 Fevral 2014 - №08

 

"Fövqəladə  hallar zamanı özünü necə aparmalı"

 

 Bakıdakı 291 nömrəli "Ekologiya" liseyində Fövqəladə Hallar Nazirliyinin Bakı Regional Mərkəzinin  "Fövqəladə  hallar zamanı özünü necə aparmalı" mövzusunda maarifləndirmə tədbiri keçirilib.

Fövqəladə Hallar Nazirliyinin  fəaliyyət istiqamətləri və strukturu, eləcə də dəm qazı zəhərlənmələri ilə  mübarizə qaydalarından bəhs edən  videoçarxlar, şagirdlərin zəlzələ mövzusunda hazırladıqları səhnəcik nümayiş olundu. Bu səhnəcikdə düzgün mövqe tutma, şagirdlərin təxliyyəsi və ilkin tibbi yardımın göstərilməsi öz əksini tapdı.

Şagirdlərin  fövqəladə hallar və FHN-lə bağlı hazırladıqları şeirlər də qonaqlar tərəfindən alqışlarla qarşılandı. Sonra  məktəbin həyətində  Bakı   Regional Mərkəzinin xilasediciləri tərəfindən "Sprinter" (Mersedes BENZ) markalı xüsusi təyinatlı avtomobil və onun təchiz olunduğu spesifik alət və avadanlıqlar, Dövlət Sularda Xilasetmə Xidmətinin akvalanqı, xilasetmə və üzmə vasitələri, mülki müdafiə qoşunlarının fərdi mühafizə vasitələri, radiasiya, kimyəvi kəşfiyyat və dozimetrik nəzarət cihazları, onların təyinatı və iş prinsipləri, xüsusi riskli axtarış və qəzaxilasetmə əməliyyatlarında istifadə olunan texnika və avadanlıqlar, xüsusi kinologiya avtomobili, eləcə də tibb xidmətinin əməkdaşları tərəfindən maneken- mulyaj üzərində yaralılara ilkin tibbi yardımın həyata keçirilmə yolları, sınıqlar və qanaxmalar zamanı iş üsulları tədbir iştirakçılarına nümayiş olundu.

Sonda şagirdlər  Dövlət Yanğından Mühafizə Xidməti əməkdaşlarının məktəbin həyətində  yanğınsöndürmə texnika və vasitələrinin təyinatı və ondan istifadə qaydaları barədə ətraflı məlumat aldılar. 

Sifai SƏFƏROVA,
"Azərbaycan müəllimi"

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov