|
 Nəşrə
başlamasının 45 illiyi bu il tamam olan "Sənətkar"
jurnalının yeni nömrəsi çapdan çıxıb. Təhsil
Nazirliyinin rüblük elmi-pedaqoji və metodik nəşri olan
jurnal builki ilk nömrəsində "İlk peşə-ixtisas təhsili
müəssisəsinin nümunəvi nizamnaməsi"ni və müxtəlif
rubrikalar altında xeyli sayda nəzəri və praktik yazını
oxucularına təqdim edib.
Nömrənin ilk səhifələrində dərc olunmuş "Peşə təhsilinin
ilk təşkilatçıları" sərlövhəli yazıda 1959-cu ildən
fəaliyyətə başlayan Dövlət Texniki Peşə Təhsili
Komitəsinə müxtəlif illərdə rəhbərlik etmiş şəxslər
haqqında söz açılır.
"Mütəxəssis sözü" daimi rubrikası altında "Kurikulum
əsasında şagird nailiyyətlərinin qiymətləndirilməsi" və
"Kompetensiyalara əsaslanan modul tipli kurikulumların
spesifik cəhətləri" adlı yazıların davamı dərc olunub.
"Qabaqcıl təcrübə" rubrikasında isə oxucular 18 nömrəli
Bakı Peşə Liseyinin kimya müəllimi Ətrabə Əliyevanın
"Tədrisin keyfiyyətinin yüksəldilməsində metodiki
komissiyaların rolu", TPİ İlkin Peşə Təhsilinin İnkişaf
Mərkəzinin böyük elmi işçisi Bəsti Orucovanın "Modul
tipli kurikulumların tətbiqinə həsr edilmiş treninqlərin
nəticələri", 15 nömrəli Bakı Peşə Liseyinin psixoloqu
Zemfira Xəlilovanın öz iş təcrübəsinə həsr etdiyi
məqaləsi, Azərbaycan Milli Konservatoriyasının dosenti
Afət Novruzovun tanınmış tarzən və pedaqoq Anatollu
Abbasova həsr etdiyi yazısı ilə tanış ola bilərlər.
Bu nömrədə "Müəllimə kömək", "Direktorun tribunası",
"Müasir tipli təhsil müəssisələrimiz", "Dünya təcrübəsi"
rubrikaları altında digər maraqlı yazılar da dərc
olunub.
Y.ƏLİYEV,
"Azərbaycan müəllimi" |
