|
Astara Olimpiya İdman Kompleksində "Gənclərin
vətənpərvərlik tərbiyəsində idmanın rolu" mövzusunda
seminar keçirilmişdir.
AzərTAc xəbər verir ki, təlim məşğələsində Azərbaycanın
dünyanın idman mərkəzlərindən birinə çevrildiyi diqqətə
çatdırılmışdır. Bildirilmişdir ki, Prezident İlham
Əliyevin idmanı sevməsi, idmançılara xüsusi həssaslıqla
yanaşması, yeni olimpiya idman komplekslərinin və idman
bazalarının yaradılması haqqında qərarları ölkədə
idmanın inkişafına və onun maddi-texniki bazasının
möhkəmləndirilməsinə göstərilən dövlət qayğısının bariz
nümunəsidir.
Bildirilmişdir ki, indi nəinki Bakıda, hətta ölkəmizin
bütün bölgələrində müasir olimpiya idman kompleksləri
fəaliyyət göstərir. Bu idman qurğuları bölgələrdə
idmanın inkişafında mühüm rol oynayır.
Diqqətə çatdırılmışdır ki, rayonun idmançıları ötən il
respublika, zona, final və beynəlxalq yarışlarda 225
medal qazanmışlar.
Seminarda iştirakçıları maraqlandıran suallar
cavablandırılmışdır. |
