Javascript DHTML Drop Down Menu Powered by dhtml-menu-builder.com

ARXİV

28 Mart 2014 - №11

 

Ümumdünya vərəmlə mübarizə günü qeyd olundu

 

Böyütmək üçün şəkili seçinCəmiyyətin qarşısında duran əsas vəzifələrdən biri də sağlam vətəndaş yetişdirməkdir. Bu təkcə səhiyyə işçilərinin vəzifəsi deyil, bütün sahələrdə çalışan insanların əsas məqsədlərindən biri olmalıdır. Bu sahədə təhsil işçilərinin, xüsusilə orta məktəb müəllimlərinin üzərinə böyük məsuliyyət düşür. Həm təlim prosesində, həm də dərsdənkənar tədbirlərdə bu istiqamətdə bir çox işlər görülməlidir.

Bu baxımdan, BSU Məktəb-Lisey Kompleksində  də bu məsələ daim  diqqət mərkəzində saxlanılır və bu istiqamətdə bir çox işlər görülür. Vaxtaşırı olaraq müxtəlif xəstəliklər, onlardan qorunma yolları barədə bir çox üsullarla şagirdlərə məlumat verilir, onlar arasında maarifləndirmə işi aparılır. Bu tipli tədbirlər "Auditoriya+" layihəsi çərçivəsində müxtəlif səhiyyə ocaqları əməkdaşlarının iştirakı ilə təşkil olunur.

Martın 13-də keçirilən "24 mart - Ümumdünya vərəmlə mübarizə günü"nə  həsr olunmuş kompleks tədbirlər planı bu baxımdan maraqlıdır.

Tədbir kompleksin kimya-biolgiya metodbirləşməsinin müəllimləri və Valideyn-Müəllim Assosiasiyasının rəhbərliyi tərəfindən hazırlanmış, kompleksin IV-XI sinif şagirdləri müxtəlif formalarda bu işə cəlb olunmuşdu.  Tədbirin keçirilməsində məqsəd şagirdlər arasında vərəm xəstəliyi ilə bağlı maarifləndirmə işi aparmaq, xəstəliyin əlamətləri, xəstəlikdən qorunma yolları, xüsusilə profilaktik tədbirlər barədə geniş məlumat vermək idi.

Tədbirdə çıxış edən IX sinif şagirdləri, ilk növbədə, bakteriyalar, onların ayrı-ayrı canlılarda törətdikləri xəstəliklər, xüsusilə də vərəm xəstəliyi, onun simptomları, vərəmə yoluxma səbəbləri, məktəb şəraitində vərəmə yoluxma riskləri, vərəmin diaqnostikası, onun müxtəlif üsullarla müalicəsi, vərəmə qarşı aparılan profilaktik tədbirlər, vərəmlə mübarizədə peyvəndlərin rolu, dövlətin bu istiqamətdə həyata keçirdiyi tədbirlər planı, vərəmdən əziyyət çəkən tarixi şəxsiyyətlər və s. haqqında geniş məlumat verdilər. Eyni zamanda vərəmlə mübarizənin simvolu olan ağ çobanyastığı, bu günün qeyd olunmasının tarixi barədə maraqlı məlumatlar tədbir iştirakçılarının diqqətinə çatdırıldı.

"Özümüzü vərəmdən qoruyaq!" adı altında keçirilən rəsm müsabiqəsində kompleksin əksər şagirdləri iştirak edərək maraqlı rəsm əsərləri ilə tədbirə daha bir rəng qatdılar.

Tədbirdə müxtəlif təşkilatlardan dəvət olunmuş qonaqlar, valideynlər də bu günün qeyd olunmasının vacibliyini bir daha qeyd etdilər. Tədbirdə çıxış edən Bakı şəhər 1 nömrəli vərəm dispanserinin baş həkimi, tibb elmləri doktoru, professor Yavər Şıxəliyev şagirdlərə bu aktual məsələyə  toxunduqları üçün minnətdarlığını bildirdi. Bu xəstəliklə mübarizənin necə vacib məsələ olduğu bir daha vurğulandı. Vərəmin 100% sağalan bir xəstəlik olduğu, lakin son dövrlərdə vərəm çöplərinin preparatlara daha da davamlı formalarının yarandığı üçün vərəmlə mübarizənin gündən-günə çətinləşməsi barədə məlumat verildi. Bu istiqamətdə atılan ən düzgün addımın profilaktik tədbirlərin genişləndirilməsi, zərərli vərdişlərdən uzaq olma, immun sistemin gücləndirilməsi olduğu qeyd edildi. Bütün məlumatlar şagirdlər tərəfindən maraqla qarşılandı. Sonda "Özümüzü vərəmdən qoruyaq!" rəsm müsabiqəsinin qaliblərinə diplomlar və hədiyyələr, tədbirdə fəal iştirak edənlərə təşəkkürnamələr verildi, xatirə şəkli çəkdirildi.  

Leyla ƏLİYEVA,
BSU Məktəb-Lisey Kompleksinin biologiya müəllimi,
"Ən yaxşı müəllim" müsabiqəsinin qalibi

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov