|
Aprelin 11-də Azərbaycan Müəllimlər İnstitutunun Şamaxı
filialında "Polisə Dəstək" İB-yi Azərbaycan Respublikası
Prezidentinin yanında QHT-lərə Dövlət Dəstəyi Şurasının
maliyyə dəstəyi ilə "Narkomaniya və HİV-lə mübarizədə
ictimai fəallığın artırılması"mövzusuna dair birgə,
geniş seminar-mühazirə həyata keçirilmişdir.
Yığıncağı giriş sözü ilə filialın direktoru Tünzalə
Yusifova açmış, iştirakçılara mövzu ətrafında məlumat
vermişdir.
Sonra "Polisə Dəstək" İB-nin sədri Şəmsəddin Əliyev HİV
infeksiyasının daşıyıcısı olan ilk pasiyentin 1981-ci
ildə ABŞ-da qeydə alınması, 1982-ci ildə isə bu
xəstəliyin ağır formasına "Qazanılmış immunçatışmazlığı
sindromu" adının verilməsi, 1983-cü ildə Fransada və
sonra Amerikada kəşf edilməsi barədə də məlumat
vermişdir. Ötən illərdən bəri, yəni 25 il ərzində
dünyada 63 milyon insanın HİV xəstəliyinə yoluxması,
onların 25 milyon nəfərinin həyatlarını xilas etmək
mümkün olmaması da iştirakçıların nəzərinə
çatdırılmışdır. Təxminən xəstəliyin qurbanlarının 90%-i
inkişaf etməkdə olan ölkələrdə yaşayır. Yoluxan
şəxslərin 70%-ni 15-39 yaşda olanlar, 43%-ni qadınlar
təşkil edir.
Tədbirdə Şamaxı RPİ-nin rəis əvəzi İ. Hüseynov,
tələbələr çıxış edərək məsələnin ciddiliyinə
toxunmuşlar. Tədbirdə rayon İH başçısının müavini və
rayon gənclər təşkilatının sədri iştirak etmişlər.
Hazırda Azərbaycanda müayinə olunaraq HİV diaqnozu
təsdiq edilmiş xəstələrin sayı 2224 nəfərdir.
Bu mənada insanların immunçatışmazlığı virusunun, B və
C hepatitlərinin yayılmasının, HİV-ə yoluxmuş şəxslərin
inyeksion narkotik vasitələrindən istifadənin qarşısını
almaq, onların sosial reabilitasiyasını və cəmiyyətə
inteqrasiyasını təmin etmək, habelə digər məqsədlərlə
inyeksion narkotik istifadəçiləri arasında könüllülük
əsasında əvəzedici müalicə proqramları tətbiq edilir.
Tədbirdə Rayon İH-nin gənclər üzrə şöbəsinin müdiri,
RİH-nin başçısının müavini çıxış etmişlər.
Seminar-mühazirənin keçirilməsində məqsəd ictimaiyyət,
yüksək riskli əhali qrupları, miqrantlar, gənclər və
yeniyetmələr arasında təhlükəsiz və məsuliyyətli
davranışın aşılanmasını, narkomaniyanın və HİV
infeksiyasının əsas cəhətlərini, narkomaniyadan asılılıq
və HİV-ə yoluxmadan qorunma yolları haqqında
maarifləndirməni həyata keçirməkdən ibarət olmuşdur.
Eyni zamanda seminar-mühazirədə qarşıda duran əsas
vəzifələrə də toxunulmuşdur. |
