|
Aprelin 25-də Azərbaycan Dillər Universitetində (ADU)
ümummilli lider Heydər Əliyevin anadan olmasının 91-cu
ildönümünə həsr edilmiş Tələbə Elmi Cəmiyyətinin illik
konfransı başa çatdı. Yekun iclasda ADU-nun elmi işlər
üzrə prorektoru, professor Dünyamin Yunusov çıxış
edərək tələbələrin elmlə məşğul olmağa üstünlük
verdiklərini və bunun da onların gələcək inkişafında
mühüm rol oynayacağını bildirdi. Bölmə rəhbərlərinin
hesabatları vaxtında təqdim etdiyini deyən prorektor
onların işini yüksək qiymətləndirdi. O, ADU-nun rektoru,
millət vəkili, professor Səməd Seyidovun adından bölmə
rəhbərlərinə, eləcə də tələbələrə təşəkkür etdi və
gələcək fəaliyyətlərində uğurlar arzuladı.
Tələbə Elmi Cəmiyyətinin sədri, professor Əsgər
Zeynalov, sədr müavini, dosent Vahid Ərəbov, bölmə
rəhbərləri, professorlar Bilal İsmayılov, Məsməxanım
Qazıyeva və dosent Vidadi Bəşirov konfransın
tələbələrin elmi biliklərinin artırılmasında
əhəmiyyətindən danışdılar.
Konfransda müxtəlif mövzularla iştirak edən tələbələrin
50 nəfəri I, 55 nəfəri II, 60 nəfəri isə III dərəcəli
diplomlarla təltif edildi. Bundan əlavə, konfransda
iştirakına görə 120 nəfər tələbəyə təşəkkür elan edildi.
Xatırladaq ki, üç gün davam edən konfransda müxtəlif
mövzular üzrə 21 bölmədə iclaslar keçirilib, 700-dən
yuxarı məruzə dinlənilib.
ADU-nun İctimaiyyətlə əlaqələr departamenti |
