|
 Mayın
5-də Sumqayıtda Təhsil Nazirliyi tərəfindən ilk
peşə-ixtisas təhsili müəssisələri üçün alınmış kənd
təsərrüfatı texnikasının təqdimat mərasimi keçirilib.
Rusiya, Belarus və Türkiyə istehsalı olan 30 adda 37
ədəd yeni texnika və avadanlıqdan bölgələrdə yerləşən
təhsil müəssisələrində əyani tədris vasitəsi kimi
istifadə olunacaq. Qeyd edək ki, ilk peşə-ixtisas
təhsili müəssisələrinə sonuncu dəfə müvafiq texnika,
avadanlıq, əyani və texniki vasitələr 25-30 il əvvəl
verilib.
Ölkə iqtisadiyyatının aparıcı sahələrindən biri olan
kənd təsərrüfatı sektorunun yüksək ixtisaslı kadrlarla
təmin edilməsi prioritet vəzifələrdən biridir. Mövcud
şəraitdə kənd təsərrüfatı sahəsinin inkişafında əyani və
texniki vasitələrlə təlim keçmiş, zəruri peşə
vərdişlərinə, bilik və bacarıqlara yiyələnmiş ilk-peşə
ixtisas təhsilli mütəxəssislərin hazırlanması vacib
amildir. Eyni zamanda, müasir texnika və avadanlıqlara
malik olması ilk peşə-ixtisas təhsili müəssisələrinə
qanunvericiliyə uyğun olaraq əlavə maddi gəlir əldə
etmək imkanı verir.
Təhsil Nazirliyi kənd təsərrüfatının ixtisaslı kadrlara
olan tələbatının daha dolğun ödənilməsi və müvafiq
təhsil müəssisələrinin maddi-texniki bazasının
möhkəmləndirilməsi məqsədilə başladığı işləri davam
etdirəcək. Bu istiqamətdə aparılan islahatların əsas
məqsədi kənd təsərrüfatı üzrə ilk peşə-ixtisas təhsili
müəssisələrində kadr hazırlığı işinin keyfiyyətinin
yüksəldilməsinə nail olmaqdan ibarətdir.
www.edu.gov.az |
