|
Mayın 20-də Sumqayıt Dövlət Universitetində Azərbaycan
ictimai fikrinin görkəmli nümayəndəsi, tanınmış maarifçi
və yazıçı-publisist Əli bəy Hüseynzadənin anadan
olmasının 150 illiyi qeyd edildi.
Tədbiri giriş sözü ilə açan universitetin humanitar
məsələlər üzrə prorektoru, dosent Nizami Namazov XX əsr
Azərbaycan-türk ictimai fikrinin ən görkəmli nümayəndəsi
Əli bəy Hüseynzadənin yaradıcılığına və şəxsiyyətinə
hörmətin, ehtiramın ifadəsi olaraq Azərbaycan
Respublikasının Prezidenti İlham Əliyevin ədibin 150
illiyinin qeyd edilməsi barədə imzaladığı sərəncamın
xüsusi əhəmiyyətindən danışdı. Bildirildi ki,
Azərbaycan Prezidentinin bütün sahələrə göstərdiyi
diqqət və qayğısının nəticəsi kimi mədəniyyət və
incəsənət aləmində də əvəzsiz xidmətləri olmuş tarixi
ictimai-siyasi xadimlərin əməyinin zaman-zaman
dəyərləndirilməsi bu gün də aktuallığını qorumaqdadır.
Prorektor N.Namazov Əli bəy Hüseynzadənin çoxşaxəli və
zəngin fəaliyyətindən, ədəbi-elmi irsindən bəhs etdi.
Tədbirdə fəlsəfə və hüquq kafedrasının müdiri, fəlsəfə
elmləri doktoru, professor, əməkdar müəllim Həsən
Sadıqov Əli bəy Hüseynzadənin ictimai-siyasi və fəlsəfi
görüşlərindən, tarix fakültəsinin dekan müavini Osman
Hacıyev mütəfəkkirin həyat və yaradıcılığından,
filologiya fakültəsinin dekan müavini Rövşən Məmmədov
isə böyük ədibin ədəbi-bədii yaradıcılığından geniş bəhs
etdilər.
Bildirildi ki, ensiklopedik biliyə malik olan Əli bəy
Hüseynzadə ədib, filosof, maarifçi, jurnalist, publisist
olmaqla yanaşı həkim və rəssam kimi də tanınmışdır.
Sonra Əli bəy Hüseynzadənin 150 illik yubileyi ilə
əlaqədar hazırlanmış videofilm nümayiş etdirildi.
Mətbuat xidməti |
