Javascript DHTML Drop Down Menu Powered by dhtml-menu-builder.com

ARXİV

30 May 2014 - №20

 

Azərbaycan məktəbliləri İntel İSEF-də iştirak etdilər

 

Böyütmək üçün şəkili seçin 2014-cü il 11-16 may tarixlərində ABŞ-ın Kaliforniya ştatının Los-Anceles şəhərində İntel İSEF - Beynəlxalq Elm və Mühəndislik Sərgisi keçirilmişdir. Bu, 65-ci sərgi idi. Sərgidə "Sabahın alimləri" Respublika müsabiqəsinin qalibləri sırasından seçilmiş 7 Azərbaycan məktəblisi iştirak etmişdir:

- İmranov Cəmil Şahmar oğlu və Allahverdiyeva Nərgiz Vidadi qızı - Bakı şəhəri 19 nömrəli Texniki Humanitar Liseyin 10-cu və 11-ci sinif şagirdləri, "Dəmir oksidi nanohissəciklərinin nar bitkisində sintezi və xarakteristikası" adlı layihə ilə;

- Muradov Cəmil Həbibulla oğlu, Mursaqulova Mədinə Rüfət qızı və Cümşüdlü Lalə Cabir qızı - Bakı Avropa Liseyinin 11-ci sinif şagirdləri, "Enerjinin kriogen üsulu ilə saxlanılması" adlı layihə ilə;

- Abuzərov Ayaz Azər oğlu - BDU-nun "Gənc istedadlar" liseyinin 10-cu sinif şagirdi, "Qükozofosfatın yeni metodla sintezi və ATF-in əmələ gəlməsinin sürətləndirilməsində rolu" adlı layihə ilə;

- Məmmədov Cingiz Natiq oğlu-Sumqayıt şəhəri, 23 nömrəli tam orta məktəbin 10-cu sinif şagirdi, İntel İSEF-də müşahidəçi qismində iştirak etmişdir.

İntel İSEF (Intelo International Science and Engineering Fair) 13-18 yaşlı şagirdlər arasında keçirilən böyük müsabiqədir. Bu müsabiqədə dünyanın 70-dən artıq ölkəsində keçirilən 435 regional müsabiqədə seçilmiş 1700-dən artıq gənc -gələcəyin alimləri, ixtiraçıları, sahibkarları iştirak etmişdir. Mükafat fondu 5 mln ABŞ dolları olan bu şərginin əsas mükafatları İntel korporasiyası və "İntel Fondation" fondu tərəfindən ayrılmışdır. Bundan əlavə, onlarla kompaniya, qeyri-kommersiya təşkilatları, təhsil müəssisələri və elmi təşkilatlar tərəfindən də xüsusi mükafatlar təsis edilmişdir.

"İntel  İSEF  2014"ün  ən  yüksək  mükafatını  (75  min  dollar  məbləğində  Qordon  Mur mükafatı)  Boston  şəhərindən  gələn  Natan Kann  qazandı.  O,  şiş  əleyhinə  olan  BRCA1 geninin  xarakteristikalarını  öyrənmiş  və  onların  əsasında  döş  xərçəngini  əmələ  gətirən mutasiyaları  təhlükəsiz  mutasiyalardan  fərqləndirməyi  bacaran  proqram  yaratmışdır.

50 min dollar məbləgində olan iki mükafatdan ("The İntel Foundation Young Scientist Awards") birini smartfon və planşetlər üçün yeni riyazi alətin yaradıcısı almaniyalı Lennart Kleynvort qazandı. Bu mükafatın ikincisinə isə Sinqapurdan gələn Şennon Ksincinq Li aktivləşdirilmiş kömür əsasında hazırladığı innovasion katalizatora görə layiq görüldü. 

İntel İSEF qaliblərinin nailiyyətləri yalnız təhsil və elmin populyarlaşdırılmasına xidmət etmir, onlardan bir çoxu öz praktiki istifadəsini tapacaqdır.

Azərbaycan məktəbliləri İntel İSEF-də 3-cü dəfədir ki, iştirak edirdi. Onların layihələri maraqla qarşılansa da mükafat qazanmaq bizə hələ nəsib olmayıb. Buna baxmayaraq, ölkəmiz üçün bu təcrübə çox vacibdir. Bizim şagirdlər tədqiqat aparmaq, layihə yazmaq, onu təqdim etmək bacarıqlarını qazanırlar. Dünyanın digər ölkələrində yaşayan həmyaşıdları ilə dostlaşır, onların tədqiqatları ilə tanış olmaq imkanı əldə edirlər. Eyni zamanda İntel İSEF gənclərə imkan verir ki, onlar Nobel mükafatı laureatları ilə görüşlərdə iştirak etsinlər, onları maraqlandıran sualları dünyanın seçilmiş alimlərinə verə bilsinlər. Bütün bunlar gənclərin dünyagörüşünü artırır, nailiyyət qazanmaq üçün motivasiya yaradır. 

Gültəkin HÜSEYNOVA,
Təhsil Nazirliyinin şöbə müdiri

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov