Javascript DHTML Drop Down Menu Powered by dhtml-menu-builder.com

ARXİV

20 İyun 2014 - №23

 

Xalq yazıçısı İlyas Əfəndiyevin 100 illik yubileyinə həsr olunmuş tədbir

 

Böyütmək üçün şəkili seçinAzərbaycan Dövlət Mədəniyyət və İncəsənət Universitetinin tədris teatrında görkəmli nasir və dramaturq, xalq yazıçısı, "Şöhrət" ordenli İlyas Əfəndiyevin 100 illik yubileyinə həsr olunmuş "Boy çiçəyinin ətri" adlı tədbir keçirilmişdir. Tədbirdə baş nazirin müavini Elçin Əfəndiyev və təhsil naziri Mikayıl Cabbarov da iştirak etmişdir. Universitetin rektoru Fərəh Əliyeva tədbirin Prezident İlham Əliyevin "Xalq yazıçısı İlyas Əfəndiyevin 100 illik yubileyinin keçirilməsi haqqında" 2014-cü il 16 yanvar tarixli Sərəncamına əsasən təşkil edildiyini diqqətə çatdırmışdır. Bildirilmişdir ki, gecənin quruluşçu rejissoru əməkdar incəsənət xadimi Bəhram Osmanovdur.

Filologiya elmləri doktoru, professor Nizaməddin Şəmsizadə xalq yazıçısı, XX əsrin böyük sənətkarı İlyas Əfəndiyevin şəxsiyyəti və yaradıcılığı haqqında söhbət açmışdır. Qeyd etmişdir ki, ömrünün 60 ilini yaradıcılığa həsr etmiş böyük sənətkar ədəbiyyata 1939-cu ildə yazdığı "Kənddən məktublar" hekayələr toplusu ilə gəlmişdir. N.Şəmsizadə görkəmli nasir İlyas Əfəndiyevin "Boy çiçəyi", "Bahar suları", "Körpüsalanlar", "Dağlar arxasında üç dost" kimi əsərləri haqqında danışaraq bildirmişdir ki, böyük sənətkar əsərlərini şirin, səlis dillə yazmışdır. Sözün qədrini bilən, sözü ucalara qaldıran İlyas Əfəndiyev istedadı və şəxsiyyəti ilə zirvədən-zirvəyə yüksəlmişdir.

Tədbirdə xalq artistləri Amaliya Pənahova, Bəsti Cəfərova, Firəngiz Mütəllimova görkəmli dramaturqun pyeslərində oynadıqları rollar barədə söhbət açmışlar. Qeyd etmişlərBöyütmək üçün şəkili seçin ki, böyük sənətkarın yazdığı pyeslər ilə dramaturgiya və teatr tariximizdə "İlyas Əfəndiyev teatrı" yaranmışdır.

Vurğulanmışdır ki, ürəyi Azərbaycan üçün döyünən İlyas Əfəndiyev ədəbiyyatımızın və teatrımızın inkişafına çalışmışdır və bu da özünü onun yazdığı əsərlərdə göstərmişdir.

Tədbirdə görkəmli yazıçının pyesləri əsasında hazırlanmış tamaşalardan lent yazıları, həmçinin universitetin tələbələrinin ifasında "On manatlıq lüstur" əsərindən epizod nümayiş olunmuşdur.

Eyni zamanda böyük sənətkarın əsərlərindən parçalar və vaxtilə görkəmli insanların onun haqqında söylədikləri fikirlər səsləndirilmiş, incəsənət ustalarının ifasında şeir və musiqilər dinlənilmişdir.

Sonda İlyas Əfəndiyev haqqında onun ailə üzvlərinin söylədikləri fikirləri əks etdirən süjet nümayiş edilmişdir.

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov