Bakı Şəhəri üzrə Təhsil İdarəsi tərəfindən 26 nömrəli
Uşaq-Gənclər Yaradıcılıq Mərkəzində məktəbdənkənar
təhsil müəssisələrinin dərnək üzvləri arasında "100 sual
- 100 cavab intellekt yarışı" keçirilmişdir.
Məktəbdənkənar təhsil müəssisələrinin dərnək üzvlərinin
təbiət elmlərinə marağının artırılması, onların bu
sahədə fəaliyyət göstərən dərnəklərə daha çox cəlb
olunması, dünyagörüşlərinin formalaşdırılması, istedadlı
uşaqların aşkara çıxarılması və yaradıcılıq
qabiliyyətlərinin daha da inkişaf etdirilməsi məqsədilə
keçirilən yarışda ümumilikdə 24 komanda iştirak
etmişdir.
Komandalar təbiət elmləri (fizika, astronomiya, kimya,
biologiya və coğrafiya) üzrə təqdim olunmuş 90 test
sualını cavablandırmış, 10 məsələnin (fizika - 5, kimya
- 5) həlli yollarını axtarmışlar. Hər test sualı "1",
məsələlərin cavabları isə "2" balla
qiymətləndirilmişdir.
Qiymətləndirmənin nəticələrinə görə, yeniyetmələrin 23
nömrəli Yaradıcılıq Mərkəzinin komandası 97 balla I,
27 nömrəli Uşaq Yaradıcılıq Mərkəzinin komandası 87
balla II, 38 nömrəli Texniki Yaradıcılıq Mərkəzinin
komandası 81 və 30 nömrəli Uşaq Yaradıcılıq Mərkəzinin
komandası 79 balla III yerə layiq görülmüşlər.
Sonda qaliblərə Bakı Şəhəri üzrə Təhsil İdarəsi
tərəfindən diplom və hədiyyələr təqdim edilmişdir.
bakuedu.gov.az |