|
Astara şəhərindəki Heydər Əliyev Mərkəzində kompüter
oyunları üzrə IX Azərbaycan milli çempionatının zona
yarışları keçirilmişdir.
AzərTAc xəbər verir ki, Gənclər və İdman Nazirliyi,
Azərbaycan Kiber İdman Federasiyası, Astara Rayon
Gənclər və İdman İdarəsi, "Astara" İntellektual İnkişaf
Klubunun birgə təşkilatçılığı ilə keçirilən zona
birinciliyində Astara, Lənkəran, Cəlilabad və Masallı
rayonlarını təmsil edən 14-29 yaşlı gənclər iştirak
etmişlər.
Yarışmanın açılış mərasimində çıxış edən Astara Rayon
Gənclər və İdman İdarəsinin rəisi Ərçə Əliyev,
Azərbaycan Kiber İdman Federasiyasının prezidenti Ramin
Əliyev, "Astara" İntellektual İnkişaf Klubunun sədri
Əfqan Hüseynov gənclərə uğurlar arzulamışlar.
Yarış iştirakçıları Olimpiya sistemi üzrə üç şəxsi və
bir komanda oyunlarında qalib adı uğrunda mübarizə
aparmışlar.
Zona yarışlarında birinci, ikinci və üçüncü yerlərə
müvafiq olaraq "FİFA 2014" oyunu üzrə-Yunus Nəcəfov
(Lənkəran), Hüseyn Məmmədov (Cəlilabad) və Namiq
Tarifzadə (Astara), "Super Street Fighter IV" oyunu
üzrə-Aydın Məmmədli (Lənkəran), Elnur Mirzəzadə (Astara)
və Ələmdar Məmmədov (Cəlilabad), "Star Graft II" oyunu
üzrə-Əliabbas Məmmədov (Cəlilabad), Ağanur Cavadov
(Lənkəran) və Vəfalı Əzimov (Masallı), "Dota 2" komanda
oyunu üzrə - Astara, Lənkəran və Masallı rayonlarının
komandaları layiq görülmüşlər.
Fəxri yerləri qazanan gənclərə Azərbaycan Kiber İdman
Federasiyasının diplomları təqdim edilmişdir.
Müxtəlif oyunlar üzrə birinci yerlərə layiq görülən
gənclər avqust ayında Bakı şəhərində keçiriləcək
kompüter oyunları üzrə IX Azərbaycan milli çempionatında
iştirak etmək hüququ qazanmışlar. |
