İyulun
9-da Gəncə Dövlət Universiteti Elmi Şurasının
2013-2014-cü tədris ilinin yekunlarına dair iclası
keçirilib.
İclas universitetin beynəlxalq əlaqələrinin mövcud
vəziyyəti və onun təkmilləşdirilməsi haqqında elm və
texnika üzrə prorektorun hesabat məruzəsi ilə başlayıb.
Qeyd olunub ki, Gəncə Dövlət Universiteti Avropa
Şurasının təsis etdiyi beynəlxalq təhsil proqramları
üzrə keçirilən müsabiqələrdə elm və təhsillə bağlı
müxtəlif, həmçinin Alman Akademik Mübadilə Xidməti
(DAAD), Tempus proqramı üzrə layihələrdə iştirak edib.
İclasda GDU-nun beynəlxalq əlaqələrinin inkişafı
haqqında yeni təkliflərin müzakirəsi olunub.
Yekun iclasda 2013-2014-cü tədris ilində GDU-da
keçirilən tədbirlər və 2014-2015-ci tədris ili üçün
universitetin təmirə hazırlıq vəziyyəti haqqında
məruzələr dinlənilib.
Universitetin rektoru, professor Yusif Yusibov ali
təhsil müəssisəsinin nailiyyətlərindən və qarşıda duran
vəzifələrdən danışıb. Bildirilib ki, GDU-nun beynəlxalq
əlaqələrinin keyfiyyətcə dəyişməsində Azərbaycan təhsil
sisteminin Avropa standartlarına uyğunlaşdırılması və
daim inkişaf etdirilməsi mühüm rol oynayıb. Qeyd olunub
ki, universitetin beynəlxalq əlaqələri bir neçə
istiqamət üzrə inkişaf edir. GDU-nun xarici ölkələrdə
elm və təhsillə bağlı müxtəlif layihələrdə, elmi
konfranslarda və simpoziumlarda iştirak etməsi, əcnəbi
tələbələrin universitetdə təhsilinə nail olması ali
məktəbin beynəlxalq inkişaf planında nəzərdə tutulan
vəzifələrdəndir.
Sonra 2013-2014-cü tədris ilində GDU-nun idman sahəsində
qazandığı uğurlar açıqlanıb. İdmanın müxtəlif növü üzrə
yarışlarda respublika ali təhsil müəssisələri arasında
uğurlar qazanan tələbələrin adları çəkilib.
Tarix-coğrafiya fakültəsinin tələbəsi Elnur Məmmədovun
dünya çempionu adını qazanması xüsusilə qeyd edilib.
Universitet idman klubunun sədri, birinci dərəcəli
idmançı Xəqani Umudovun səmərəli fəaliyyəti diqqətə
çatdırılıb.
Sonda universitetin rektoru Y.Yusibov "Gəncə Dövlət
Universitetində idmanın kütləviliyinin artırılmasında
göstərdiyi xidmətlərə görə" bir sıra təşkilatların
diplom və fəxri fərmanları ilə təltif edilib.
Elmi Şura yeni tədris ilində qarşıda duran vəzifələrin
müzakirəsi ilə davam etdirilib.
Ümbülbanu HACIYEVA,
GDU-nun əməkdaşı |