|
Roma Rəssamlıq Akademiyası (RRA) azərbaycanlı gənc və
istedadlı rəssam Məryəm Ələkbərlinin yaradıcılığına
hörmət əlaməti olaraq ona fəxri dəvət məktubu göndərib.
Bu haqda AzərTAc-a məlumat verən Diaspor Jurnalistləri
Birliyinin İtaliya nümayəndəliyinin sədri, rəssam Həsən
İsgəndərov bildirib ki, M.Ələkbərli öz yaradıcılığı və
istedadı ilə Avropada, xüsusən də İtaliyada incəsənət
elitasının diqqət mərkəzindədir. Onun yaradıcılığı
barədə çoxlu italyan sənətkar və sənətşünasları öz
fikirlərini bildiriblər.
Məhz bütün bunların nəticəsidir ki, Məryəm Ələkbərli
italyan rəngkarlıq məktəbinin professional rəngkarlıq
sinfinə dəvət alıb. Bundan əlavə, İtaliyanın məşhur
sənətşünası, eləcə də RRA-nın şöbə müdiri Caterina Tomeo
M.Ələkbərlinin sənətini yaxından izləyir və onun
sənətinin vurğunu olaraq sərgisinin təşkilinə
hazırlaşır.
M.Ələkbərli Roma Rəssamlıq Akademiyasından dəvət alan
ilk azərbaycanlı rəssamdır. Bundan əlavə, İtaliyanın ən
yaşlı və məşhur sənət mütəxəssislərindən olan C.Tomeo
İtaliya Mədəniyyət Assosiasiyasının prezidenti Anni
Baldissera M.Ələkbərli yaradıcılığı barədə fikirlərini
yazıb göndərib. A.Baldissera Məryəm Ələkbərlini Romanın
mərkəzində yerləşən qalereyasına dəvət edib və onun
sərgisini keçirmək istədiyini bildirib. Öz növbəsində
M.Ələkbərli barəsində braziliyalı məşhur rəssam Fabrizio
del Arno və moldovalı rəssam İqor Savo da öz fikirlərini
bölüşüblər. |
