|
 İyulun
12-də İsmayıllı şəhər Olimpiya İdman Kompleksində
Azərbaycan Şahmat Federasiyası, Gənclər və İdman
Nazirliyi və Təhsil Nazirliyinin birgə təsdiq etdikləri
illik əsasnaməyə uyğun olaraq 16 yaşadək yeniyetmələrin
Respublika Şahmat Olimpiadasının açılış mərasimi
keçirilib.
Mərasimdə Gənclər və İdman Nazirliyinin, Azərbaycan
Şahmat Federasiyasının, Təhsil Nazirliyinin, İsmayıllı
Rayon İcra Hakimiyyətinin nümayəndələri, KİV
təmsilçiləri və digər şəxslər iştirak ediblər. Tədbir
iştirakçıları öncə müstəqil Azərbaycanın qurucusu, dahi
şəxsiyyət, ulu öndər Heydər Əliyevin rayon mərkəzindəki
abidəsini ziyarət edib, önünə gül dəstələri qoyublar.
Tədbirdə yeniyetmə şahmatçıları salamlayan gənclər və
idman nazirinin müavini İsmayıl İsmayılov, Şahmat
Federasiyasının vitse-prezidenti, beynəlxalq dərəcəli
hakim Faiq Həsənov və digər şəxslər çıxış edərək
olimpiadanın təşkilində əməyi olanlara
minnətdarlıqlarını bidirib, yeniyetmə şahmatçılara bu
yarışda uğurlar arzulayıblar.
Bildirilib ki, "A" və "B" qrupları üzrə keçirilən bu
yarışda 565 idmançı respublikanın 60-a yaxın şəhər və
rayonunu təmsil edib. Yarışlar 12 yaşadək və 12 yaşdan
yuxarı idmançılar arasında "B", "A" qrupları üzrə
keçirilib. Olimpiada İsveçrə sistemi üzrə 11 turdan
ibarət olaraq Beynəlxalq Şahmat Federasiyasının (FİDE)
qaydalarına əsasən keçirilib və şəxsi komanda xarakteri
daşıyıb. Qeyd edək ki, turnir iyulun 22-də başa çatacaq.
|
