Javascript DHTML Drop Down Menu Powered by dhtml-menu-builder.com

ARXİV

29 Avqsut 2014 - №33

 

"Xəyallarımızın rəsmlərdəki tərənnümü" mövzusunda sərgi

 

Əmək və Əhalinin Sosial Müdafiəsi Nazirliyi yanında Dövlət Sosial Təminat Xidməti, Sağlamlıq İmkanları Məhdud Gənclərin Peşə Reabilitasiya Mərkəzi, Bakı Şəhər Gənclər və İdman Baş İdarəsinin dəstəyi ilə Filarmoniya bağında  sağlamlıq imkanları məhdud gənclərin "Xəyallarımızın rəsmlərdəki tərənnümü" mövzusunda rəsm və əl işləri sərgisi keçirilib. Tədbirin keçirilməsində  məqsəd fiziki məhdudiyyətli gənclərin bacarıqlarını nümayiş etdirmək, dost əhatəsini genişləndirmək, onların cəmiyyətə inteqrasiyasını təmin etmək və layihə iştirakçısı olan gənclərdə stimul yaratmaqdır. Çıxışlarda qeyd olunub ki, satışdan əldə edilən vəsait fiziki məhdudiyyətli gənclərə qismən yardımçı olmaq məqsədilə onlara təqdim ediləcək.

Sağlamlıq İmkanları Məhdud Gənclərin Peşə Reabilitasiya Mərkəzində hazırlıq keçən gənclər öz xəyallarındakı reallıqları, fikirlərində qurduqları gələcəklərini əl işləri, rəsmləri, taxta üzərində oyma nümunələri vasitəsilə sərgiyə maraq göstərən hər bir  kəslə bölüşüblər. Onlar sərgilənən əl işləri ilə öz sağlam yaşıdlarından  heç də fərqlənmədiklərini, gələcəyin  layiqli vətəndaşları olacaqlarını bir daha sübut ediblər.

Belə layihələrin vasitəsilə gənclərin mənəvi zövq və istedadlarının  kəşf,  cəmiyyətə inteqrasiyasının  təmin olunmasının vacibliyi də tədbir iştirakçılarının çıxışlarında xüsusi yer alıb.

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov