|
 Nərgiz
ALLAHYAROVA,
Şəki şəhər 7 nömrəli tam orta məktəbin
Azərbaycan dili və ədəbiyyat müəllimi
1955-ci ildə Şəki şəhərində anadan olub. 1981-ci
ildə Azərbaycan Dövlət Universitetinin (indiki
Bakı Dövlət Universiteti) filologiya fakültəsini
bitirib. Həmin ildən də şəhər 7 nömrəli tam orta
məktəbdə müəllim kimi pedaqoji fəaliyyətə
başlayıb. 2011-ci ildə Azərbaycan
Respublikasının Prezidenti İlham Əliyevin
sərəncamı ilə "Tərəqqi" medalına layiq görülüb.
Müxtəlif treninq və təlimlərdə iştirak edərək
sertifikatlar əldə edib. İşlədiyi müddətdə
yetirmələrindən bir çoxu 600-dən artıq bal
toplayaraq respublikamızın nüfuzlu ali
məktəblərinə daxil olub. Onların arasında
Prezident təqaüdçüləri də vardır. |
|
|
 Möhübbət
İBRAHİMOVA,
Şəki şəhər 10 nömrəli tam orta məktəbin
Azərbaycan dili və ədəbiyyat müəllimi
1954-cü ildə Şəki şəhərində anadan olub. 1975
-ci ildə Azərbaycan Dövlət Pedaqoji İnstitutunun
(indiki Azərbaycan Dövlət Pedaqoji Universiteti)
Azərbaycan dili və ədəbiyyat fakültəsini
bitirib. Həmin ildən şəhər 11 nömrəli, 1991-ci
ildən isə şəhər 10 nömrəli tam orta məktəbdə
işləyir. 1989-cu ildə Azərbaycan Respublikası
Təhsil Nazirliyinin əmri ilə ona "Metodist
müəllim" adı verilib. 2012-ci ildə Azərbaycan
Respublikası Prezidentinin sərəncamı ilə
"Əməkdar müəllim" fəxri adına layiq görülüb.
Daim öz üzərində işləyərək elmi-metodiki
biliyini artıran M.İbrahimovanın şagirdləri ali
məktəblərə qəbul imtahanlarında, fənn
olimpiadalarında yüksək nəticə göstərir.
|
|
|
 Ruhəngiz
ABDULLAYEVA,
Şəki şəhər 11 nömrəli tam orta məktəbin tarix
müəllimi
1954-cü ildə Şəki şəhərində anadan olub. 1975-ci
ildə Gəncə Dövlət Pedaqoji İnstitutunun (indiki
Gəncə Dövlət Universiteti) tarix fakültəsini
bitirib. Həmin ildən məzun olduğu şəhər 11
nömrəli tam orta məktəbdə müəllim kimi pedaqoji
fəaliyyətə başlayıb. 2005-ci ildə Azərbaycan
Respublikası Prezidentinin sərəncamı ilə
"Əməkdar müəllim" fəxri adına layiq görülüb.
Elmi-metodiki təhsilinin artırılması
istiqamətində ixtisasartırma kurslarında,
müxtəlif təlim kurslarında iştirak edərək
müvafiq sertifikatlar alıb. R.Abdullayeva fənn
tədrisi sahəsində zəngin təcrübə qazanmış,
dərslərində zamanın müasir tələblərini nəzərə
alaraq yüksək təlim nəticələrinə nail ola bilib. |
|
|
 Mahir
ƏYYUBOV,
Şəki şəhər 20 nömrəli tam orta məktəbin
fizika-informatika müəllimi
1951-ci ildə Şəki şəhərində anadan olub. 1973-cü
ildə Azərbaycan Dövlət Universitetinin (indiki
Bakı Dövlət Universiteti) fizika fakültəsini
bitirib. 1987-ci ildə "Metodist müəllim" adı
alıb. 1993-cü ildə Azərbaycan Respublikasının
"Xalq təhsili əlaçısı" döş nişanı ilə təltif
olunub. 1994-cü ildə Azərbaycan Respublikası
Təhsil Nazirliyinin əmri ilə informatika üzrə
respublika olimpiadası və kompüter proqramları
müsabiqəsinin qalibi kimi, 1998-ci ildə isə gənc
nəslin təlim-tərbiyəsi işində əldə etdiyi
nailiyyətlərə görə Azərbaycan Respublikası
Təhsil Nazirliyinin fəxri fərmanları ilə təltif
olunub. 2000-ci ildə Azərbaycan Respublikası
Prezidentinin sərəncamı ilə "Əməkdar müəllim"
fəxri adına layiq görülüb. |
|
|
 Bəşarət
YUSİFOV,
Şəki şəhər fizika-riyaziyyat və humanitar
təmayüllü liseyin tarix müəllimi
1949-cu ildə Şəki rayonunun Baş Zəyzid kəndində
anadan olub. 1975-ci ildə Azərbaycan Dövlət
Pedaqoji İnstitutunun (indiki Azərbaycan
Dövlət Pedaqoji Universiteti) tarix fakültəsini
bitirib. 1975-ci ildə Şəki şəhər 9 nömrəli
beynəlmiləl tam orta məktəbində müəllim kimi
pedaqoji fəaliyyətə başlayıb. 1997-ci ildən Şəki
şəhər fizika-riyaziyyat və humanitar təmayüllü
liseyə işə dəvət olunmuş, indiyə qədər də orada
müəllim işləyir. 1985-ci ildə "Baş müəllim",
1994-cü ildə isə "Ali kateqoriyalı müəllim"
adları alıb. 2011-ci ildə isə Azərbaycan
Respublikası Prezidentinin müvafiq sərəncamı
ilə "Əməkdar müəllim" fəxri adına layiq
görülüb. 2013-cü ildə keçirilmiş Azərbaycan
müəllimlərinin XIV qurultayının nümayəndəsi
olub. Hər il qəbul imtahanlarında yetirmələri
yüksək bal toplayaraq respublikanın müxtəlif ali
məktəblərinə daxil olublar. Şagirdləri fənn
olimpiadalarının rayon və respublika turlarında
uğurla çıxış edirlər. |
|
Niyazi RƏHİMOV,
"Azərbaycan müəllimi" |
