Javascript DHTML Drop Down Menu Powered by dhtml-menu-builder.com

ARXİV

17 Oktyabr 2014 - №40

 

"Bilik kuboku" uğrunda breyn-rinqin növbəti finalçısı müəyyənləşib

 

Təhsil Nazirliyi tərəfindən təsis olunmuş "Bilik kuboku" uğrunda breyn-rinq yarışlarının oktyabrın 12-də növbəti oyunu olub. "Baku Grystal Hall"da keçirilən və AzTV kanalı ilə yayımlanan oyun seçim xarakteri daşıyıb və oktyabr ayı üzrə ikinci finalçını müəyyənləşdirib. Yarışlara qatılmış 30 komandadan 4-nün mübarizə apardığı oyun 2 seçim və 2 final görüşündən ibarət olub. İlk seçim görüşündə  "Allians" və "Göyçay" komandaları qarşılaşıblar. "Allians" qalib gəlib - 5:1. İkinci seçim görüşündə "Gəncə" və "Mərdəkan" komandaları mübarizə aparıblar. "Gəncə" komandası 5:2 hesabı ilə rəqibinə üstün gəlib.

Sonra "Allians" və "Gəncə" komandaları arasında 2 final görüşü keçirilib. "Allians" birinci final görüşündə 5:4, ikincidə isə 7:2 hesabı ilə qalib gələrək oktyabr ayının ikinci finalçısı olub.

Xatırladaq ki, oktyabr ayı üzrə ilk finalçı  "Nar Mobile" komandasıdır. Bu ayın seçim oyunları başa çatdıqdan sonra finala vəsiqə qazanmış komandalar oktyabrın 26-da öz aralarında yarışacaqlar. Ayın finalçısına "Nar Mobile"nin data kartları təqdim olunacaq və o, oyunların dekabrın 14-də keçiriləcək final görüşündə mübarizə aparacaq. 

Yusif ƏLİYEV,
"Azərbaycan müəllimi"

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov