|
 Azərbaycan
Müəllimlər İnstitutunun Qazax filialında Dövlət
Müstəqillik Gününə həsr olunmuş tədbir keçirilib.
Tədbir Dövlət himninin səsləndirilməsi ilə başlayıb.
İştirakçılara tədbirlə bağlı slayd təqdim olunub. Sonra
tədbiri açıq elan edən AMİ-nin Qazax filialının
direktoru Afaq Qasımova ölkəmizin müstəqillik illərində
qazandığı uğurlardan, nailiyyətlərdən söhbət açıb.
Tədbirdə riyaziyyat və informatika müəllimliyi
ixtisasının III kurs tələbəsi, TGT-nın sədri Sənəm
Namazova, riyaziyyat və informatika müəllimliyi
ixtisasının I kurs tələbəsi Ürfət Ağayeva , Azərbaycan
dili və ədəbiyyat müəllimliyi ixtisasının I kurs
tələbəsi Əminə Eminova çıxış ediblər.
Dövlət Müstəqilliyi Gününə aid tələbələr arasında
keçirilmiş şahmat turnirinin qaliblərinə diplom və
qiymətli hədiyyələr verilib. |
