Bakı Dövlət Universitetinin akt zalında Tələbə
Həmkarlar İttifaqı Komitəsinin (THİK) təşkilatçılığı
ilə "Zamanın idarə olunması və müvəffəqiyyətli karyera"
mövzusunda təlim keçirilib.
BDU THİK sədr müavini İlkin Şərifov çıxış edərək
bildirib ki, təhsil müddətini səmərəli şəkildə keçirmək
və həyata atıldıqdan sonra uğurlu və müvəffəqiyyətli
karyeraya sahib olmaq hər bir gəncin istəyidir. Tədbirin
əsas amalı uğur əldə etməyin yolunda nələrə diqqət
etməli, hansı prinsiplərə söykənməli olduğumuzu
öyrənməkdir.
Daha sonra isə təlimçi Fəxri Ağayev tələbələri
salamlayaraq təlimə başlayıb. İlk olaraq uğurlu karyera
haqqında məlumat verən F.Ağayev daha sonra tələbələrə
vaxtdan necə səmərəli istifadə olunması və günün necə
düzgün planlaşdırılması haqqında məlumat verib.
Təlim müdətində Azərbaycanda müvəffəqiyyətli olmaq,
həyatımız və balans, zaman və zamanın idarə olunması,
şans və bəxt, uğurumuz üçün nə etməli kimi məsələlərə
toxunulub.
Təlimin sonunda təlimçi tələbələri maraqlandıran bir çox
sualları cavablandırıb.
Rəşid MUSTAFAZADƏ,
BDU THİK İctimaiyyətlə əlaqələr departamenti |