Javascript DHTML Drop Down Menu Powered by dhtml-menu-builder.com

ARXİV

14 Noyabr 2014 - №44

 

Çexiyalı diplomat "Səfir saatı" klubunun qonağı olub

 

 Bakı Slavyan Universitetində həyata keçirilən maraqlı layihələrdən biri də "Səfir saatı"dır. Layihə çərçivəsində respublikamızda akkreditə olunmuş səfirlərlə mütəmadi olaraq görüşlər təşkil olunur. Bu dəfə də universitet öz ənənəsinə sadiq qalaraq noyabrın 12-də Çexiya Respublikasının Azərbaycandakı fövqəladə və səlahiyyətli səfiri, cənab Vitezslav Pivonkanın görüşünü keçirib. Tədbiri  BSU-nun  rektoru, professor Asif Hacıyev açaraq qonağı salamlayıb,  "Səfir saatı" klubunun ənənələri haqda ətraflı məlumat verib.

Görüşdən və dəvətdən məmnunluğunu bildirən səfir V.Pivonka Çexiya Respublikasının tarixi haqqında ətraflı danışıb. O, Çexiya ilə Azərbaycan arasında olan iqtisadi, siyasi, mədəni əlaqələrdən danışaraq ölkələrimiz arasında mövcud münasibətlərdən razı qaldığını və gələcəkdə bu əməkdaşlığın daha da möhkəmləndiriləcəyinə inandığını bildirib. Xalqımızın  çox zəngin  mədəniyyətə malik olduğunu, Bakının son illər ərzində çox sürətlə inkişaf etdiyini qeyd edən səfir, vətənimizə heyranlığını və yaxın günlərdə Azərbaycanın bir sıra bölgələrinə səfər edəcəyini xüsusilə vurğulayıb.

Tələbələrin çoxsaylı suallarını cavablandıran  səfir görüşün sonunda BSU-nun "Fəxri Qonaqlar Kitabı"na ürək sözlərini yazıb və tələbələrlə xatirə şəkli çəkdirib.

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov