Javascript DHTML Drop Down Menu Powered by dhtml-menu-builder.com

ARXİV

14 Noyabr 2014 - №44

 

Azərbaycan Dövlət İqtisad Universitetində "Elm günləri"

 

Böyütmək üçün şəkili seçinNoyabrın 11-də Azərbaycan Dövlət İqtisad Universitetində (ADİU) "Ümumdünya elm günü" çərçivəsində ilk dəfə olaraq  "Elm günləri" keçirilib. Üç gün davam edən "Elm günləri" çərçivəsində simpozium, seminar, "dəyirmi masa", təlim, master-klasslar, tanınmış alimlərlə görüş və elmi mühazirələri təşkil olunub. Bu tədbirlərin əsas müzakirə mövzusu universitetdə elmi fəaliyyətin populyarlaşdırılması, bakalavr və magistrlərin elmi fəaliyyətə maraqlarının artırılması, iqtisadi problemlər üzrə yeni diskussiya platformalarının yaradılması olub.

"Elm günləri"nin açılışında çıxış edən ADİU-nun rektoru, professor Ədalət Muradov tədbirin əsas məqsədi barədə məlumat verərək Prezident İlham Əliyevin elm ictimaiyyəti qarşısında qoyduğu vəzifələrdən söz açıb.

Ali məktəbdə elmi tədqiqatlar apara biləcək alimlərin kifayət qədər olduğunu vurğulayan rektor bu fəaliyyəti həyata keçirmək üçün ADİU-da institusional dəyişikliklərə başlanıldığını bildirib.

Qeyd edilib ki, 10 noyabr dünyanın əksər ölkələrində elm günü kimi qeyd olunur. 1999-cu ildə Budapeştdə keçirilən Ümumdünya Elm Konfransında bu haqda təşəbbüs irəli sürülüb. 2001-ci ildə UNESCO-nun Baş konfransının 31-ci sessiyasında elm gününün qeyd olunması qərarı rəsmi şəkildə elan olunub.  2002-ci ildən etibarən 10 noyabr dünyanın bir çox ölkələrində elm bayramı kimi qeyd edilir. 

Rüfanə GÜNƏŞ,
"Azərbaycan müəllimi"

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov